23 جاستاعى زاحاري مانسي بالا كۇنىنەن ارتىق سالماقتىڭ زاردابىن شەگىپ كەلگەن، ال مەكتەپ بىتىرگەن سوڭ جاعداي ءتىپتى ۋشىعىپ كەتكەن. ول تاڭعى، تۇسكى جانە كەشكى اس رەتىندە تەك فاستفۋد جەپ، كۇنىنە 8 مىڭ كالوريا قولدانعان. سونىڭ سالدارىنان ەكى جىل ىشىندە 127 كەلى سالماق قوسقان. تارازى ءتىلى 317 كەلىنى كورسەتكەندە، مانسي ءوزى ءجۇرىپ- تۇرا الماعاندىقتان، مۇگەدەكتەرگە ارنالعان اربانى پايدالانۋعا ءماجبۇر بولعان.
2019 -جىلى دارىگەرلەر وعان ارتىق سالماق ولىمگە الىپ كەلۋى مۇمكىن ەكەنىن ەسكەرتكەن. وسىدان سوڭ ەر ادام ءوز ءومىرىن وزگەرتۋ تۋرالى شەشىم قابىلداعان. مانسي ءوزىنىڭ سۇيىكتى تاعامدارىنىڭ ديەتالىق نۇسقالارىن ويلاپ تاۋىپ، گازدالعان سۋسىنداردان ءبىرجولا باس تارتقان. قازىر ونىڭ كۇنىنە تۇتىناتىن تاعامدارىنىڭ قۇنارلىعى 2 مىڭ كالوريادان اسپايدى جانە ول تاۋلىگىنە 140 گرام اقۋىز پايدالانۋدى دا ادەتكە اينالدىرىپ، سپورتقا دا دەن قويعان. ناتيجەسىندە جاس جىگىت 165 كەلى سالماقتان ارىلعان.
قازىر ول ەشكىمنىڭ كومەگىنسىز قوزعالادى. ال سالماعى 95 كەلىگە تەڭ. بۇل جەتىستىگىنە وتباسى مەن دوستارىنىڭ ارقاسىندا جەتكەنىن ايتادى.
«ءومىرىم تۇبەيگەيلى وزگەردى. دوستارىم دا، تۋىستارىم دا تاڭعالادى، كەيبىرەۋلەرى مەنى تانىماي دا قالىپ جاتادى. ايناعا قاراعاندا ءوزىمدى ءوزىم تانىماي قالامىن، ءبىراق قازىر ءوزىمدى جاقسى كورۋدى ۇيرەنىپ ءجۇرمىن. ءومىرىمدى قايتارىپ العانىما قۋانىشتىمىن»، - دەيدى ول.
ايتا كەتەيىك، قىركۇيەكتە رەسەيلىك زەينەتكەر بەس ساعاتتا 9,3 كەلى سالماق تاستاپ، رەسەيدىڭ رەكوردتار كىتابىنا ەنگەن بولاتىن.
www.24.kz