قىزىلوردادا 163 قارۋ يەسى اكىمشىلىك جاۋاپكەرشىلىككە تارتىلدى
بۇل تۋرالى و ءى ءى د باسپا ءسوز قىزمەتى حابارلادى.
شارا بارىسىندا پوليتسيا قىزمەتكەرلەرى ارنايى رەيدتىك جۇمىستار جۇرگىزىپ، «تىركەلگەن قارۋ» ەسەبىندە تۇرعان قارۋ- جاراقتاردىڭ يەلەرى تەكسەردى.
تەكسەرۋ بارىسىندا زاڭسىز اينالىمنان بارلىعى 16 قارۋ، ونىڭ ىشىندە 14 تەگىس ۇڭعىلى جانە 2 تراۆماتيكالىق تاپانشا تاركىلەنىپ، قارۋدى ساقتاۋ، الىپ ءجۇرۋ ەرەجەلەرىن بۇزعانى ءۇشىن 163 قارۋ يەسىنە حاتتامار تولتىرىلىپ، اكىمشىلىك ايىپپۇل سالىندى.
ونىڭ ىشىندە، ق ر اكىمشىلىك قۇقىق بۇزۋشىلىق تۋرالى كودەكسىنىڭ 484-بابى بويىنشا، ازاماتتىق قارۋدى، ونىڭ پاتروندارىن ساتىپ الۋ، ساقتاۋ، پايدالانۋ نەمەسە تاسىمالداۋ قاعيدالارىن بۇزعانى ءۇشىن 146 قارۋ يەلەرى، ق ر ا ق ب ت ك- ءنىڭ 486-بابى بويىنشا ازاماتتىق قارۋدى تىركەۋ (قايتا تىركەۋ) ءتارتىبىن نە ونى ەسەپكە قويۋ ءتارتىبىن بۇزعانى ءۇشىن 17 قارۋ يەسى اكىمشىلىك جاۋاپكەرشىلىككە تارتىلدى.
سونىمەن قاتار، اتىس قارۋىن ساقتاۋ، تاسىمالداۋ ءتارتىبىن بۇزعانى ءۇشىن ىشكى ىستەر ورگاندارىندا تىركەۋدە تۇرعان 65 دانا اتىس قارۋى تاركىلەندى.
اۆتور: ەلۋباي اۋەزوۆ