ەلورداداعى جول اپاتىنان زارداپ شەككەندەرگە 160-قا جۋىق ادام قان تاپسىردى - اكىمدىك
وسىعان قاراي نۇر- سۇلتان اكىمدىگىنىڭ باسپا ءسوز حاتشىسى ەلۆيرا جۇرگەنبايەۆا فەيسبۋك جەلىسىندە پوست جاريالاپ، بولعان وقيعاعا جاناشىرلىق تانىتقان قالا تۇرعىندارىنا العىسىن ءبىلدىردى.
«كەشە قالالىق اۋرۋحانالارعا اۆتوبۋستاردىڭ سوقتىعىسۋىنان بولعان جول اپاتىنان زارداپ شەككەندەردى شۇعىل تۇردە جەتكىزىپ جاتتى. ءبىراز ۋاقىتتان سوڭ تۇرعىندار الەۋمەتتىك جەلىلەر مەن مەسسەندجەرلەر ارقىلى زارداپ شەككەندەرگە قان قاجەت ەكەندىگى تۋرالى حابار تاراتا باستادى»، - دەپ جازدى باسپا ءسوز حاتشىسى.
ونىڭ سوزىنشە، بۇگىنگى تاڭدا قالالىق كلينيكالاردا قان جەتىسپەۋشىلىگى سياقتى پروبلەمالار جوق.
«دەگەنمەن، ءبىز وسىنداي قيىن- قىستاۋ ۋاقىتتا تۇرعىنداردىڭ بولعان وقيعاعا نەمقۇرايلى قاراماي بەلسەندىلىك تانىتقاندارىنا قۋانىپ قالدىق. تەك كەشە عانا 160-قا جۋىق ازامات زارداپ شەككەندەر ءۇشىن دەپ كەلىپ، قان تاپسىردى. ناتيجەسىندە 80 ليتر قان جينالدى. قالا اكىمدىگى مەن دارىگەرلەردىڭ اتىنان كەڭ پەيىلدەرىڭىز ءۇشىن سىزدەرگە العىس ايتامىن»، - دەيدى ەلۆيرا جۇرگەنبايەۆا.