العىس ايتۋ كۇنى: ءبىر اۋىلداعى 160 ۇيگە گاز تارتقان كاسىپكەر ماراپاتتالدى

كوكشەتاۋ. قازاقپارات - بۇگىن كوكشەتاۋدا العىس ايتۋ كۇنىنە ارنالعان مەرەكەلىك شارا ءوتتى، دەپ حابارلايدى «قازاقپارات» ح ا ا ءتىلشىسى.

تاعىلىمى مول شاراعا اقمولا وبلىسى اكىمىنىڭ ورىنباسارى اينا مىسىرالىموۆا، مەملەكەتتىك ورگانداردىڭ، ەڭبەك ۇجىمدارىنىڭ، ەتنو- مادەني ورتالىقتار مەن بىرلەستىكتەردىڭ وكىلدەرى، ەڭبەك ارداگەرلەرى جانە «قازاقستاننىڭ 100 ەسىمى» جوباسىنا قاتىسۋشىلار، ۇلگىلى، ىنتىماعى مەن بىرلىگى جاراسقان وتباسىلار قاتىستى.

«ءبىزدىڭ ۇلكەن ورتاق ىسىمىزگە بەيجاي قاراماي زور ۇلەس قوسىپ جاتقان بارشاڭىزعا العىس بىلدىرەمىن. العىس ايتۋ كۇنى - ءبىزدىڭ ەلدىڭ بارلىق ازاماتتارىنىڭ ءبىر- بىرىنە دەگەن سىيلاستىعى، ورتاق تاريحىمىزدى قۇرمەتتەۋ، ءوزارا كومەك پەن قولداۋ كۇنى»، - دەدى وبلىس اكىمىنىڭ ورىنباسارى اينا مىسىرالىموۆا قۇتتىقتاۋ سوزىندە.

شارا بارىسىندا ەل بىرلىگىن نىعايتۋعا، مادەنيەتارالىق قارىم- قاتىناستى دامىتۋعا، قازاقستاندىق پاتريوتيزمدى قالىپتاستىرۋعا، اۋىلىنىڭ الەۋمەتتىك ماسەلەسىن شەشۋگە قوسقان ەلەۋلى ۇلەستەرى ءۇشىن قازاقستان حالقى اسسامبلەياسىنىڭ «جانى جومارت» قوعامدىق التىن مەدالىمەن ەسىل اۋدانىنداعى «نوۆو- پريرەچنوە» ج ش س ديرەكتورى ۆالەري تيۋركين ماراپاتتالدى. وسى شارۋاشىلىقتىڭ ارقاسىندا يۋبيلەينىي اۋىلىندا 2 تۇرعىن ءۇي سالىنىپ، 160 ۇيگە ءبىرورتالىقتاندىرىلعان گاز تارتىلعان. وعان قوسا، اۋىلىشىلىك كوشەلەرگە دە كۇردەلى جوندەۋ جۇمىستارى جۇرگىزىلگەن.

سونىمەن قاتار، وڭىردە ۇلتارالىق بىرلىك پەن تۇسىنىستىكتى دامىتۋعا ۇلەس قوسقان 15 ەتنومادەني بىرلەستىكتەردىڭ ءتوراعالارىنا 200 مىڭ تەڭگەنىڭ سەرتيفيكاتى تاپسىرىلدى.

اۆتور: اسلان وسپانوۆ