مۇنداي مالىمەتتى «قازاۆتوونەركاسىپ» قازاقستاننىڭ اۆتوموبيل سالاسى كاسىپورىندارىنىڭ وداعى ۇسىنىپ وتىر، دەپ حابارلايدى قازاقپارات ءتىلشىسى.
وداق مالىمەتىنشە، ەسەپتى كەزەڭ ىشىندە اكىمشىلىك پوليتسيا ورگاندارى 1224753 اۆتوكولىك قۇرالىن تىركەۋگە قويدى.
بۇل وتكەن جىلدىڭ 11 ايىنداعى كورسەتكىشتەن 10,1 پايىزعا از. 1096350 تەحنيكانىڭ يەسى اۋىسۋىنا بايلانىستى قايتا تىركەۋگە الىنىپ وتىر.
بۇل، ءبىر جىل بۇرىنعى كورسەتكىشتەن 13,7 پايىزعا (1269677) كەم. ال العاش رەت تىركەلگەن كولىكتەردىڭ سانى 128403 تەحنيكانى قۇراپ، 2019-جىلمەن سالىستىرعاندا 37,6 پايىزعا كوپ بولدى. ونىڭ ىشىندە بيىل العاش رەت تىركەۋگە الىنعان ارمەنيادان جەتكىزىلگەن 16747 جەڭىل كولىك بار. 2020-جىلدىڭ قاراشا ايىنىڭ قورىتىندىسىندا تىركەۋگە قويىلعان اۆتوكولىكتەردىڭ سانى 140120 تەحنيكا بولدى.
بۇل دا وتكەن جىلعى ناتيجەدەن 7,7 پايىزعا ارتىق. ونىڭ ىشىندە قايتالاما نارىقتا 125844 كولىك ساتىلدى. وسى جىلدىڭ قازانىمەن سالىستىرعاندا قاراشادا تىركەلگەن كولىكتەر سانى 9,3 پايىزعا كەمىدى.
2020-جىلدىڭ 11 ايىندا قازاقستان اۋماعىندا ەلەكتر ەنەرگياسىمەن جۇرەتىن 54 جەڭىل كولىك العاش رەت تىركەلىپ وتىر. وتكەن جىلى مۇنداي 29 اۆتوموبيل تىركەلگەن بولاتىن. وسى جىلدىڭ 11 ايىندا قايتادان تىركەۋگە الىنعان كولىك قۇرالدارىنىڭ ۇشتەن ەكىسى وسىدان كەمىندە 10 جىل بۇرىن قۇرالعان تەحنيكانى قۇرايدى.
ونىڭ ىشىندە شىعارىلعانىنا 20 جىلدان اسىپ كەتكەن 452036، 11-20 جىل بولعان 283575، 4-7 جىل بولعان 188961، 8-10 جىل بولعان 108584، 1-3 جىل بولعان 53487، 1 جىل دا بولماعان 9707 كولىك بار.
بيىلعى 11 ايدا قايتا ەسەپكە الىنعان ەڭ كوپ اۆتو الماتى وبلىسىندا (167872)، الماتى قالاسىندا (143801) جانە تۇركىستان وبلىسىندا (100130) تىركەلگەن. بۇعان قوسا، الماتى وبلىسى تۇرعىندارى قايتا تىركەگەن 94376 كولىك قۇرالىنىڭ شىعارىلعانىنا 20 جىلدان اسىپ كەتكەن. وسى كريتەري بويىنشا ەكىنشى ساتىدا تۇرعان تۇركىستان وبلىسىندا مۇنداي 45696، ال جامبىل وبلىسىندا 42187 كولىك تىركەۋگە الىنعان.
ال شىعارىلعانىندا 1-3 جىل ارالىعىنداعى كولىكتەردىڭ قايتا تىركەۋگە الىنۋى الماتى قالاسىندا (10 940)، نۇر-سۇلتاندا (8423) جانە شىمكەنتتە (5351) جوعارى بولىپ تۇر.