الماتىدا 16 جاسقا تولعان ازاماتتار 15 كۇن ىشىندە جەكە كۋالىكتەرىن الا الادى
ۆەدومستۆودان حابارلاعانداي، جەكە كۋالىكتەر قازاقستان رەسپۋبليكاسىنىڭ ازاماتتارىنا ون التى جاستان باستاپ بەرىلەدى.
جەكە كۋالىكتى رەسىمدەۋ حالىققا قىزمەت كورسەتۋ ورتالىقتارىندا ورنالاسقان الماتى قالاسى كوشى-قون قىزمەتىنىڭ اۋداندىق بولىمشەلەرىندە جۇزەگە اسىرىلادى.
«16 جاسقا تولعان كەزدە قۇجاتتامالىق قامتاماسىز ەتۋ ماسەلەلەرى بويىنشا مەملەكەتتىك قىزمەتتى الۋ ءۇشىن قىزمەت بەرۋشىگە مىنالاردى كورسەتۋ كەرەك:
- 16 جاستاعى ادامنىڭ تۋۋ تۋرالى كۋالىگىنىڭ ءتۇپنۇسقاسى؛
- قۇجاتتالعان تۇلعانىڭ جەكە بولۋى؛
- اتا- انالاردىڭ بىرەۋىنىڭ نەمەسە زاڭدى وكىلىنىڭ مىندەتتى تۇردە قاتىسۋى. قۇجاتتاردى دايىنداۋ مەرزىمى دەمالىس جانە مەرەكە كۇندەرىن قوسپاعاندا، 15 جۇمىس كۇنىن الادى»، - دەلىنەدى حابارلامادا.
بۇدان بولەك، قۇجاتتاردى جەدەلدەتىلگەن تۇردە دايىنداۋ قىزمەتى بار:
- 1-سانات بويىنشا قۇجاتتاردى دايىنداۋ ءبىر جۇمىس كۇنىن الادى (تىركەۋ كۇنىن قوسپاعاندا) قۇنى 4983 تەڭگە.
- 2-سانات بويىنشا قۇجاتتاردى دايىنداۋ ءۇش جۇمىس كۇنىن الادى (تىركەۋ كۇنىن قوسپاعاندا) قۇنى 2752 تەڭگە.