سينوپتيكتەر 15 وڭىردە ەسكەرتۋ جاريالادى
استانا ق الاسىندا نايزاعاي ويناپ، كۇندىز قاتتى جاڭبىر، بۇرشاق كۇتىلەدى. جەل سولتۇستىك- شىعىستان، شىعىستان سوعادى، كۇندىز ەكپىنى 15-20 م/س قۇرايدى.
كۇندىز قاراعاندى وبلىسىنىڭ باتىسىندا، سولتۇستىگىندە قاتتى جاڭبىر، نايزاعاي، بۇرشاق كۇتىلەدى. سولتۇستىك- شىعىستان سوعاتىن جەل وڭتۇستىك- باتىسقا اۋىسادى، كۇندىز وبلىستىڭ باتىس جارتىسىندا ەكپىنى 15-20 م/س قۇرايدى. ءوڭىردىڭ وڭتۇستىگىندە ءورت تۇتانۋ قاۋپى جوعارى.
كۇندىز اقمولا وبلىسىنىڭ باتىسى مەن وڭتۇستىگىندە قاتتى جاڭبىر كۇتىلەدى. تۇندە ءوڭىردىڭ باتىسىندا، وڭتۇستىگىندە، كۇندىز باسىم بولىگىندە نايزاعاي بولجانادى. كۇندىز وبلىستىڭ باتىسى مەن وڭتۇستىگىندە بۇرشاق جاۋىپ، جەلدىڭ ەكپىنى 15-20 م/س قۇرايدى.
كۇندىز ۇلىتاۋ وبلىسىنىڭ سولتۇستىگىندە نايزاعاي كۇتىلەدى. سولتۇستىك- شىعىستان سوعاتىن جەل وڭتۇستىك- باتىسقا اۋىسىپ، كۇشى كەي ۋاقىتتا 23-28 م/س جەتۋى ىقتيمال. ءوڭىردىڭ وڭتۇستىگىندە ءورت تۇتانۋ قاۋپى اسا جوعارى.
جامبىل وبلىسىنىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا كۇندىز جەلدىڭ ەكپىنى 23-28 م/س ارتۋى ىقتيمال. ءوڭىردىڭ وڭتۇستىك- باتىسىندا كەي ۋاقىتتا كۇشى 30 م/س جانە ودان جوعارى بولادى. سونداي- اق وبلىستا نايزاعاي، بۇرشاق بولجانادى,.
تۇندە اتىراۋ وبلىسىنىڭ باتىسىندا، وڭتۇستىگى مەن شىعىسىندا نايزاعاي كۇتىلەدى. سولتۇستىك- باتىستان جەل سوعادى، كۇندىز ءوڭىردىڭ وڭتۇستىگى مەن شىعىسىندا ەكپىنى 15-20 م/س قۇرايدى. ءورت تۇتانۋ قاۋپى اسا جوعارى.
كۇندىز سولتۇستىك قازاقستان وبلىسىنىڭ باسىم بولىگىندە جاڭبىر جاۋادى. كۇندىز ءوڭىردىڭ سولتۇستىگى مەن وڭتۇستىگىندە - نايزاعاي، بۇرشاق، تۇندە جانە تاڭەرتەڭ سولتۇستىگى مەن شىعىسىندا تۇمان كۇتىلەدى. جەلدىڭ ەكپىنى 15-20 م/س قۇرايدى.
تۇندە اقتوبە وبلىسىنىڭ وڭتۇستىگىندە قاتتى جاڭبىر جاۋادى. وبلىستىڭ وڭتۇستىگى مەن شىعىسىندا نايزاعاي كۇتىلەدى. جەلدىڭ ەكپىنى 15-20 م/س قۇرايدى.
كۇندىز قوستاناي وبلىسىنىڭ وڭتۇستىگى مەن شىعىسىندا قاتتى جاڭبىر جاۋادى. تۇندە وبلىستىڭ باتىسىندا، وڭتۇستىگىندە، كۇندىز باسىم بولىگىندە نايزاعاي ويناپ، وڭتۇستىكتە بۇرشاق كۇتىلەدى. تۇندە جانە تاڭەرتەڭ ءوڭىردىڭ سولتۇستىگى مەن شىعىسىندا تۇماندى بولادى. جەلدىڭ ەكپىنى 25 م/س ارتادى.
قىزىلوردا وبلىسىنىڭ باتىسى مەن ورتالىعىندا نايزاعاي، شاڭدى داۋىل كۇتىلەدى. جەلدىڭ كۇشى 23-28 م/س ارتۋى ىقتيمال. ءورت تۇتانۋ قاۋپى اسا جوعارى.
تۇندە ماڭعىستاۋ وبلىسىنىڭ سولتۇستىگىندە قاتتى جاڭبىر جاۋادى. ءوڭىردىڭ سولتۇستىگى مەن شىعىسىندا نايزاعاي كۇتىلەدى. جەلدىڭ كۇشى كەي ۋاقىتتا 23-28 م/س ارتۋى مۇمكىن. ءورت تۇتانۋ قاۋپى جوعارى.
پاۆلودار وبلىسىنىڭ وڭتۇستىگىندە جوعارى ءورت قاۋپى ساقتالادى.
باتىس قازاقستان وبلىسىنىڭ سولتۇستىگى مەن شىعىسىندا نايزاعاي كۇتىلەدى. سولتۇستىك- باتىستان جەل سوعادى، كۇندىز ەكپىنى 15-20 م/س قۇرايدى. ءورت تۇتانۋ قاتەرى اسا جوعارى.
تۇندە تۇركىستان وبلىسىنىڭ تاۋلى اۋداندارىندا، كۇندىز سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا نايزاعاي كۇتىلەدى. كۇندىز وبلىستىڭ باتىسىندا، سولتۇستىگىندە شاڭدى داۋىل سوعادى. جەلدىڭ ەكپىنى جەكەلەگەن جەرلەردە 23-28 م/س، تاۋ اسۋلارىندا 30 م/س جانە ودان جوعارى بولادى.
شىمكەنت قالاسىندا كۇندىز نايزاعاي كۇتىلەدى. جەلدىڭ جىلدامدىعى 25 م/س جەتۋى ىقتيمال.