الماتىلىقتار 15 شەت ءتىلىن ساياباقتا تەگىن ۇيرەنە الادى

الماتى. قازاقپارات - الماتىدا قالا تۇرعىندارىن شەت تىلدەرىنە وقىتۋ جوباسى باستالادى، دەپ حابارلايدى قازاقپارات اكىمدىككە سىلتەمە جاساپ.

«تىلدەر ساياباعى» قالالىق الەۋمەتتىك جوبا قاتىسۋشىلارى شەت تىلدەرىن تەگىن وقي الادى.

ساباق قالا ساياباقتارىندا بەيرەسمي جاعدايدا وتەدى. جاس ساناتى - 6 جاستان 60 جاسقا دەيىن.

كۋرستار ءبىر اي بويى اپتاسىنا 3 رەت وتەدى. تاڭداۋ كوپ: 15 شەت ءتىلى بار.

وقۋ بىتكەن سوڭ بارلىق بەلسەندى قاتىسۋشىعا سەرتيفيكات بەرىلەدى.

وسى ماۋسىمدا 5 مىڭنان استام قالا تۇرعىنى ءبىلىم الادى دەپ جوسپارلانعان. شەت تىلدەرىنەن باسقا ساياباقتاردا قازاق ءتىلى ساباقتارى وتەدى.

جوبانى الماتى اكىمدىگى، جوبالىق كەڭسە اياسىندا اۋدان اكىمدىكتەرىمەن، بەلسەندىلەرمەن جانە ەرىكتىلەرمەن بىرلەسىپ ۇيىمداستىردى.