استانا اكىمى: ەلوردادا ءۇش جىل ىشىندە 15 وقۋشىلار سارايىن سالامىز
«بۇگىن ءبىرقاتار مەكتەپ پەن وقۋشىلار سارايىنىڭ قۇرىلىس بارىسىمەن تانىستىم. ماسەلەن قازىرگى ۋاقىتتا 14 مەكتەپتىڭ قۇرىلىسى ءجۇرىپ جاتىر، ونىڭ 11 ىن جاڭا وقۋ جىلى ىشىندە اشامىز. بۇل مەكتەپتەر جاڭا اۋدانداردا دا، وڭ جاعالاۋدا دا، ەلدى مەكەندەردە دە ورنالاسقان. سونىمەن قاتار، ولاردىڭ ءبىر بولىگى اپاتتى كۇيدەگى مەكتەپتەردى الماستىرادى.
مەملەكەت باسشىسىنىڭ تاپسىرماسى بويىنشا استانادا الداعى ەكى جىلدا «جايلى مەكتەپ» ۇلتتىق جوباسى اياسىندا 24 مەكتەپ سالىنادى. ولار 90 مىڭعا جۋىق وقۋشى ورنىن (2 اۋىسىمدى) اشۋعا مۇمكىندىك بەرەدى»، - دەيدى قالا اكىمى.
سونداي-اق، جۋىردا وقۋشىلار سارايىنىڭ جاڭا عيماراتى اشىلاتىنىن جەتكىزدى.
«وسى جازدا وقۋشىلار سارايىن اشامىز. تۇران داڭعىلىندا ورنالاسقان 5 قاباتتى عيمارات جەكە ينۆەستيتسيالار ەسەبىنەن سالىنىپ جاتىر. اۋدانى - 7500 شارشى مەتر، سپورت جانە شىعارماشىلىق زالداردان بولەك 25 مەترلىك باسسەينى دە بولادى. سونىمەن قاتار، بالالاردى كوبىرەك قامتۋ ءۇشىن ءۇش جىل ىشىندە 15 وقۋشىلار سارايىن سالۋدى جوسپارلاپ وتىرمىز. ولاردىڭ بەسەۋىنىڭ قۇرىلىسىن وسى كۇزدە باستايمىز»، - دەيدى جەڭىس قاسىمبەك.