الماتى وبلىسىندا 15 ميلليون تەڭگەگە ساتىلعان مەكتەپ مەملەكەتكە قايتارىلدى
بۇل تۋرالى وبلىس اكىمى مارات سۇلتانعازيەۆ ايتتى، دەپ حابارلايدى قازاقپارات ءتىلشىسى.
«جالپى مەكتەپتەردىڭ تاپشىلىعى انىق. بۇگىندە 51 ءۇش اۋىسىمدى مەكتەپ بار. ساتىلعان مەكتەپ تۋرالى ايتساق، ءبىراز سوتتاستىق. 8- ماۋسىم كۇنى العان ادام، مەكتەپتى ءوز ەركىمەن ۇكىمەتكە قايتارىپ بەردى»، - دەدى مارات سۇلتانعازيەۆ ورتالىق كوممۋنيكاتسيالار قىزمەتىنىڭ كوشپەلى باسپا ءسوز ءماسليحاتىندا.
ەسكە سالا كەتسەك، بۇعان دەيىن ءماجىلىس دەپۋتاتى ماقسات تولىقباي الماتى وبلىسىندا مەملەكەتتىك مەكتەپتىڭ 15 ميلليون تەڭگەگە ساتىلىپ كەتكەنى تۋرالى ماسەلە قوزعاعان ەدى.
«وتكەن اپتادا عانا وڭىردەن كەلدىم، ساپارمەن. سۇمدىق ايتايىن، ءبىز بار مەكتەپتىڭ ءوزىن ساتىپ جاتىرمىز. الماتى وبلىسى قاراساي اۋدانى شالقار اۋىلىندا لومونوۆ دەيتىن ورتا مەكتەپ بولعان. 250 بالاعا ارنالعان. سوڭعى جىلدارى كۇردەلى جوندەۋدەن ءوتتى. جاڭا سپورتزال سالدى، بالالار قۋانىپ جۇرگەندە سول مەكتەپتى جەكە قولعا ساتىپ جىبەردى»، - دەگەن ەدى دەپۋتات ءماجىلىس وتىرىسىندا.