يگور بالالار ۇيىندە تاربيەلەندى، اناسى اتا-انا قۇقىعىنان ايىرىلدى. وسىعان قاراماستان جىگىت اناسىن تابۋدان ءۇمىتىن ۇزگەن جوق. سول ءۇشىن ول «ۆيتا» جاساعىنىڭ ەرىكتىلەرىنەن كومەك سۇراعان.
ايەلدى تابۋ ءۇشىن ءبىراز ۋاقىت قاجەت بولدى، ءبىراق كوپتەن كۇتكەن كەزدەسۋ ءوتتى. ەرىكتىلەر Instagram-پاراقشاسىندا اسەرلى ءساتتىڭ ۆيدەوسىن جاريالادى.
«بىرنەشە اي بۇرىن ەكىباستۇزدىق ەرىكتىلەرگە اناسىن تابۋعا كومەكتەسۋىن وتىنگەن جىگىت جۇگىندى. ايەل اتا-انا قۇقىعىنان ايىرىلىپ، بالا جەتىمدەر ۇيىنە تۇسكەن. سوعان قاراماستان يگور اناسىن كورگىسى كەلگەن. جىگىتتىڭ ايتۋىنشا، ەكاتەرينا الەكساندروۆنانىڭ سوڭعى تۇرعان جەرى - ەكىباستۇز قالاسى، سوندىقتان ول جەرگىلىكتى ەرىكتىلەرگە جۇگىنگەن»، - دەدى ىزدەۋگە كومەكتەسكەن ەرىكتىلەر.
ەرىكتىلەر ۇلى مەن اناسىنىڭ كەزدەسۋىن جاڭاجىلدىق عاجايىپ دەپ اتايدى. «ءبىزدىڭ ەرىكتىلەرگە ايەلدى تابۋ ءۇشىن ءبىراز ۋاقىت قاجەت بولدى، ونى ىزدەۋ تۋرالى بەينەروليكتى جەرگىلىكتى تەلەارنالار جانە ءبىز الەۋمەتتىك جەلىلەر ارقىلى تاراتتىق. عاجايىپ ءسات جەتتى - 15 جىلدان كەيىن كوپتەن كۇتكەن كەزدەسۋ بولدى. ايەلدىڭ ارەكەتى مەن بالانىڭ جەتىمدەر ۇيىنە ءتۇسۋىنىڭ سەبەبىن باعالايتىن ءبىز ەمەس. ءبىر نارسە انىق: ولار بۇل كەزدەسۋدى اسىعا كۇتتى. جاڭا جىل قارساڭىندا جىگىتكە عاجايىپقا سەنۋگە كومەكتەسكەنىمىزگە قۋانىشتىمىز»، - دەيدى ىزدەۋشىلەر.
massaget.kz