ماس كۇيدە ۇستالعان جۇرگىزۋشىلەردىڭ بارلىعى 15 تاۋلىككە قامالادى – مينيسترلىك
«2019 -جىلى مەملەكەت باسشىسى كولىك قۇرالىن ماس كۇيدە باسقارعانى ءۇشىن جاۋاپكەرشىلىكتى كۇشەيتۋ تۋرالى تاپسىرما بەردى. ءتيىستى زاڭ 2020 -جىلدىڭ 11-قاڭتارىندا كۇشىنە ەندى. تولىقتاي العاندا، قابىلدانعان زاڭ ەرەجەلەرىمەن ماس كۇيدە كولىك جۇرگىزگەنى ءۇشىن اكىمشىلىك جانە قىلمىستىق جاۋاپكەرشىلىك كۇشەيتىلدى. وسى جىلدىڭ 5 ايىندا رەسپۋبليكا جولدارىندا ماس كۇيدەگى جۇرگىزۋشىلەردىڭ كىناسىنەن 149 جول- كولىك وقيعاسى تىركەلدى. 208 ادام جاراقاتتانىپ، 31 ادام قازا تاپتى»، - دەدى ول.
ونىڭ اتاپ وتۋىنشە، بۇگىندە ەلىمىزدە كولىك قۇرالىن جۇرگىزۋ قۇقىعىنان ايىرۋ مەرزىمى ايتارلىقتاي ۇزارتىلدى. ماسەلەن، بۇعان دەيىن كولىكتى ماس كۇيدە جۇرگىزگەن ازامات ءبىرىنشى رەت ۇستالعاندا 3 جىلعا كولىك باسقارۋ قۇقىعىنان ايىرىلاتىن. ەندىگى ۋاقىتتا بۇل مەرزىم 7 جىلعا ۇزارتىلدى. بۇعان قوسا اكىمشىلىك تۇتقىنعا الۋ ەنگىزىلدى.
«ەندىگى ۋاقىتتا ماس جۇرگىزۋشى العاش رەت ۇستالسا دا كولىك جۇرگىزۋ قۇقىعىنان ايىرىلىپ قانا قويماي، 15 تاۋلىككە اكىمشىلىك قاماۋعا الىنادى»، - دەدى اسقار تاجەنوۆ.
اۆتور: مارلان جيەمباي