مۇنداي شەشىمدى وزبەكستان رەسپۋبليكاسىنىڭ كوروناۆيرۋسپەن كۇرەسۋ جونىندەگى ارنايى رەسپۋبليكالىق كوميسسياسى قابىلدادى، دەپ حابارلايدى قازاقپاراتتىڭ مەنشىكتى ءتىلشىسى.
جاڭا ەرەجەگە سايكەس، اۋە، تەمىرجول جانە اۆتوموبيل كولىگىمەن كەلەتىن ادامدار سوڭعى 72 ساعات ىشىندە جاسالعان كوروناۆيرۋس ينفەكتسياسىنىڭ جوقتىعى تۋرالى انىقتامانى ۇسىنۋى كەرەك (تەك پ ت ر ءادىسى).
بارلىق كەلگەن جولاۋشىلارعا ارنالعان تەستىلەۋ ناتيجەسى اعىلشىن نەمەسە ورىس تىلىندە بولۋى قاجەت. سونىمەن قاتار، ارنايى كوميسسيا ءتيىستى ۆەدومستۆولارعا 25- ناۋرىزعا دەيىن ءار ەلدە پ ت ر تەستەن وتۋگە رۇقسات ەتەتىن 10 نان كەم ەمەس زەرتحانانىڭ ءتىزىمىن دايىنداۋدى تاپسىردى.
وسى مەديتسينالىق مەكەمەلەردىڭ عانا سىناق ناتيجەسى وزبەكستاندا جارامدى سانالادى.
ەسكە سالا كەتسەك، قولدانىستاعى ەرەجەلەرگە سايكەس، وزبەكستان اۋماعىنا پ ت ر تەستىنىڭ تەرىس ناتيجەلەرى بار سەرتيفيكاتپەن بىرگە كىرۋشىلەر كوروناۆيرۋس جۇقتىرماعانىن دالەلدەۋ ءۇشىن ەكسپرەسس تەست تاپسىرۋعا مىندەتتى.
ەكسپرەسس تەست قۇنى - 95 مىڭ سۋم. ونى ەلگە كىرگەن ازاماتتار تولەيدى. پاسپورتتا تەست تۋرالى اقپاراتى بار شتريح-كود جابىستىرىلىپ تۇرادى.