كىسى ولتىرگەنى ءۇشىن 15 جىلدان بەرى ىزدەۋدە جۇرگەن رەسەي ازاماتى تەمىرتاۋدان ۇستالدى
23- قاراشادا قاراعاندى وبلىسى پ د كريمينالدىق پوليتسيا باسقارماسىنا سامارا وبلىسى بويىنشا رەسەي ءى ءى م م م- نەن اسا اۋىر قىلمىس جاسادى دەگەن كۇدىكپەن ىزدەستىرىلىپ جاتقان 43 جاستاعى رەسەي ازاماتى قاراعاندى وبلىسىنىڭ اۋماعىندا بولۋى مۇمكىن دەگەن اقپارات كەلىپ ءتۇستى.
تەرگەۋ مالىمەتىنە سەنسەك، 2005-جىلى ول رەسەي فەدەراتسياسىنىڭ سامارا وبلىسىنداعى باسقا سەرىكتەستەرىمەن بىرىگىپ رەسەي ازاماتىن ۇرلاپ كەتكەن. سوسىن ونى بالتالاپ، ءولتىرىپ تاستاعان.
كەيىننەن جابىرلەنۋشىنىڭ ءمايىتىن ورتەپ، جاقىن ماڭداعى سۋ قويماسىنا مۇز استىنا جاسىرعان.
اتالمىش دەرەك بويىنشا ر ف قىلمىستىق كودەكسىنىڭ 105-بابى 2-بولىگى بويىنشا قىلمىستىق ءىس قوزعالدى.
«30- قاراشادا جەدەل ىزدەستىرۋ بارىسىندا قاراعاندى وبلىسى پ د كريمينالدىق پوليتسيا باسقارماسىنىڭ قىزمەتكەرلەرى ون بەس جىل بويى تەمىرتاۋدا بوي تاسالاعان رەسەيلىك ازاماتتى انىقتاپ، ۇستادى. ول ۋاقىتشا يزولياتورعا قامالدى» دەپ حابارلادى قاراعاندى وبلىسى پ د باسپا ءسوز قىزمەتى.