پوليتسەيلەر، ەپيدەميولوگتار جانە اكىمدىك قىزمەتكەرلەرى بىرلەسىپ قىزمەتى ىستەۋگە رۇقسات بەرىلگەن نىسانداردا سانيتارلىق نورمانىڭ ساقتالۋىنا قاتىستى كۇندەلىكتى رەيد جۇرگىزەدى.
ءبىر تاۋلىك ىشىندە قورعانىس قۇرالىنىڭ بولماۋى، ورتالىقتاندىرىلعان تاسىمالداۋ جانە دەزينفەكتسيا جۇرگىزۋ سەكىلدى سانيتارلىق نورمالاردى بۇزعانى ءۇشىن 15 نىساننىڭ قىزمەتى توقتاتىلدى.
ولاردىڭ قاتارىندا قۇرىلىس كومپانياسىى، قوناق ءۇي مەن مەيرامحانا بار.
دەگەنمەن، ەلوردا كومپانيالارىنىڭ باسىم بولىگى سانيتارلىق-ەپيدەميولوگيالىق تالاپتاردى قاتاڭ ساقتاۋدا.
جۇمىس ءتارتىبى (تاماق تاسىمالداۋدان باسقا): تاڭعى ساعات 9 دان كەشكى 18 گە دەيىن.
قىزمەتكەرلەردى جۇمىسقا دەيىن جانە ۇيگە قىزمەتتىك كولىك جەتكىزەدى. ولار ارنايى كيىممەن، قورعانىس قۇرالدارىمەن جانە ت. ب. قامتاماسىز ەتىلگەن. اۋىسىم باسىندا بارلىعى سانيتارلىق وڭدەۋدەن وتەدى.
«بۇل قالادا قالعان ادامدار. P دان استامى اۋداندارعا كەتتى. جۇمىسقا جاقىن جەردە تۇراتىن قىزمەتكەرلەر تاڭداپ الىندى. ءار تاڭەرتەڭ سايىن ساعات 9 عا دەيىن جانە كەشكى 18 دەن كەيىن تەپلوۆيزور ارقىلى جرۆي بەلگىسىنىڭ بار-جوعى تەكسەرىلەدى. شتاتىمىزعا تەكسەرۋدى جۇزەگە اسىراتىن مەديتسينا قىزمەتكەرىن قابىلدادىق. سونداي-اق كىرەبەرىستە كونترولەر ءاربىر كليەنتتى تەپلوۆيزورمەن تەكسەرەدى»، - دەيدى «مەگاستروي» قۇرىلىس گيپەرماركەتى ديرەكتورىنىڭ ورىنباسارى وكسانا سۋحورۋكوۆا.
گيپەرماركەتكە كىرە بەرىستە ارنايى بەلگى جاسالدى، بارلىق سانيتارلىق نورمالاردى ساقتاۋعا ىڭعايلى بولۋ ءۇشىن ادامدار اراسىندا قاشىقتىق - ەكى مەتر.
«ساتىپ الۋشىلار كەزەكپەن كىرەدى. بىزدە جەتى كاسسا جۇمىس ىستەيدى، ءبىز كاسسادا 2-3 كليەنت بولماۋىن قاداعالايمىز. سونىمەن قاتار ءدالىز تولىعىمەن دەزينفەكتسيالاۋ قۇرالىمەن وڭدەلگەن. زال بويىنشا سانيتايزەرلەر ورناتىلدى. كليەنتتەر دۇكەنگە تەك ماسكامەن كىرەدى. ساعات سايىن بارلىق جۇمىس اۋماعى، اربالار ءار قولدانىستان كەيىن وڭدەلەدى»، - دەپ اتاپ ءوتتى و. سۋحورۋكوۆا.
سانيتارلىق نورمالار مەن كارانتين رەجيمىن ساقتاماعان جاعدايدا ەلوردادا نىسانداردىڭ قىزمەتى توقتاتىلادى. ەلوردادا كوروناۆيرۋستىڭ تارالۋىنا جول بەرمەۋ ماقساتىندا قاتاڭ ەرەجەلەر قابىلداندى.