كوزىنە ءشوپ سالعان ايەلىن اڭدىعانى ءۇشىن 15 جىلعا سوتتالۋى مۇمكىن
شوننىڭ كۇدىگى راس بولىپ شىعادى. نەنسي ءوزىنىڭ باستىعىمەن كۇيەۋىنىڭ كوزىنە ءشوپ سالادى. ەندى ەركەك جۇبايىن زاڭسىز اڭدىعانى ءۇشىن سوتتالۋى مۇمكىن، دەپ جازادى لايف پورتالى.
شون The Sun باسىلىمىنا بەرگەن سۇحباتىندا جۇبايىنىڭ وپاسىزدىعىنا جانە اجىراسۋدان كەيىنگى ساتسىزدىككە قاتتى قايعىراتىنىن جەتكىزگەن. ونىڭ ءوزى از بولعانداي، ەندى وعان باس بوستاندىعىنان ايىرىلۋ قاۋپى ءتونىپ تۇر. «مەن ەكى رەت جازالانعانداي سەزىنىپ جاتىرمىن» دەپتى ول.
شون جۇبايىن اڭدۋ ءۇشىن Find My iPhone باعدارلاماسىن قولدانعان. سونىڭ ناتيجەسىندە ول نەنسيدىڭ وپاسىزدىعى دالەلدەنگەن 2 قىسقا ۆيدەو ءتۇسىرىپ العان. ونىڭ جۇبايى اجىراسۋعا ءوتىنىش بەرىپ، بيىل اقپان ايىندا التىجىلدىق نەكە بۇزىلعان. كەيىن انىقتالعانداي، نەنسي تەك اجىراسۋمەن شەكتەلىپ قانا قويماعان.
20- شىلدە كۇنى شون دونيس سوتتان قاعاز العان. ول زاڭسىز تۇردە اڭدىپ، بىرەۋدىڭ جەكە ومىرىنە قول سۇققانى ءۇشىن ايىپتالىپ وتىر. الدانعان كۇيەۋدىڭ سوتى 20 -قىركۇيەك كۇنى وتەدى، امەريكالىق ازامات 15 جىلعا باس بوستاندىعىنان ايىرىلۋى مۇمكىن.
الايدا، ونىڭ ادۆوكاتى گوۆارد گرينبەرگ شوننىڭ تولىقتاي اقتالاتىنىنا سەنىمدى.