كوكشەتاۋدا ءىز-ءتۇسسىز جوعالعان 15 جاستاعى قىز عاشىعىمەن بىرگە تابىلدى
ءى ءى د باسپا ءسوز قىزمەتىنىڭ مالىمەتى بويىنشا اعىمداعى جىلدىڭ 29 -تامىزىندا كوكشەتاۋ قالاسىنىڭ ءى ءى ب كەزەكشىلىك بولىمىنە 23 جاستاعى جەرگىلىكتى تۇرعىن حابارلاسقان. ارىزدانۋشىنىڭ سوزىنە قاراعاندا، ونىڭ 15 جاستاعى ءسىڭىلىسى ساعات 13:00 شاماسىندا كوللەدجگە وقۋعا ءتۇسۋ ءۇشىن ەمتيحان تاپسىرۋعا كەتىپ، كەشكە ۇيگە قايتىپ ورالماعان.
پوليتسەيلەر جاس ءوسپىرىم قىزدىڭ تانىستارىن سۇراستىرا كەلە، ونىڭ وڭتۇستىك قازاقستان وبلىسىنىڭ 19 جاستاعى تۇرعىنىمەن تانىسقانىن انىقتايدى.
جەدەل-ىزدەستىرۋ شاراسى بارىسىندا پويىزبەن كەتىپ بارا جاتقان قىز بەن جىگىت قاراعاندى وبلىسىنىڭ سارىشاعان ستانساسىندا ۇستالىپ، قىز كەيىن قايتارىلادى.
كەيىن بەلگىلى بولعانداي جاس ءوسپىرىم قىز ءوزىنىڭ سۇيىكتىسىمەن بىرگە ونىڭ اتا- اناسىمەن تانىسۋ ءۇشىن تۇركىستان قالاسىنا بارا جاتقان. قازىرگى كەزدە كامەلەتتىك جاسقا تولماعان قىز تۋىستارىنىڭ قولىنا تاپسىرىلدى.