قىتاي جىبەك جولى قورىنا قوسىمشا 15 ميللياردقا جۋىق دوللار بولەدى
بۇل تۋرالى «ءبىر بەلدەۋ، ءبىر جول» ستراتەگياسى شەڭبەرىندە حالىقارالىق ىنتىماقتاستىق بويىنشا جوعارى دەڭگەيدەگى فورۋمنىڭ اشىلۋىندا ق ح ر ءتوراعاسى شي جينپيڭ مالىمدەدى، دەپ حابارلايدى «قازاقپارات ح ا ا ءتىلشىسى قىتايدان.
«قىتاي باستامانى جۇزەگە اسىرۋ ءۇشىن (ءبىر بەلدەۋ، ءبىر جول) جىبەك جولى قورىنا قوسىمشا 100 ميلليارد يۋان قۇيادى. ءبىز قارجى ينستيتۋتتارىن 300 ميلليارد يۋان شاماسىندا باعالانعان وپەراتسيالاردى يۋانمەن جۇرگىزۋگە شاقىرامىز. قىتايلىق دامۋ بانكى جانە قىتاي ەكسيم-بانكى سايكەسىنشە 200 ميلليارد يۋان جانە 130 ميلليارد يۋان مولشەرىندە ينفراقۇرىلىمداردى، ونەركاسىپ قۋاتىن جانە قارجىلاندىرۋدى قولداۋدىڭ ارنايى كرەديتتەۋ سحەماسىن قۇرادى»، - دەدى ول.
ەسكە سالا كەتسەك، قىتاي جىبەك جولى قورىنا (ج ج ق) 2014-جىلعى جەلتوقساندا «ءبىر بەلدەۋ، ءبىر جول» ستراتەگياسى شەڭبەرىندە جۇزەگە اسىرىلاتىن ينفراقۇرىلىمدىق جوبالاردى قارجىلاي قامتاماسىز ەتۋ ماقساتىندا قۇرىلعان. وسى ۋاقىتقا دەيىن ونى كاپيتالداندىرۋ سوماسى 40 ميلليارد دوللاردى قۇرادى.