ونىڭ ساۋساقتارى مەن اياقتارىنىڭ تىزەدەن تومەن كەسىلگەنىن كورگەن ايەل قاتتى شوشىنادى. اناسىنىڭ ايتۋىنشا، ۇيدەن قاشىپ كەتكەنگە دەيىن مۋ كۋيكۋيدىڭ دەنى ساۋ، اياق قولدارى ءبۇتىن بولعان، دەپ جازادى South China Morning Post.
ەسىمى اتالماي وتىرعان ايەل جەلىدەگى روليكتەن گۇيجوۋ پروۆينسياسىنداعى زۋني قالاسىنىڭ الاڭىندا مۇگەدەك قىزدىڭ ءان سالىپ وتىرعانىن كورەدى. اناسى قىزىن داۋسىنان تانىعان. ايتۋىنشا، ول ۇيدەن كەتكەنگە دەيىن ۆوكالدان ساباق العان كورىنەدى. مۋ كۋيكۋي قاشىپ كەتكەنگە دەيىن شاندۋڭ پروۆينسياسىنداعى گۋانراو وكرۋگىندە توقىما فابريكاسىندا ەڭبەك ەتكەن. 16 جاستاعى قىتايلىق قىزدىڭ ۇيىنەن نە سەبەپتى كەتكەنى ناقتىلانباي وتىر. وسى جىلدار ىشىندە ودان ەشقانداي حابار بولماعان. مۋ كۋيكۋيدىڭ اناسىنىڭ پايىمداۋىنشا، جۇرتتىڭ جانى اشىپ اقشا بەرۋى ءۇشىن بىرەۋلەر قىزىن ادەيى مۇگەدەك ەتۋى مۇمكىن. ايەل Weibo الەۋمەتتىك جەلىسىن پايدالانۋشىلاردان قىزىن تابۋعا كومەكتەسۋدى سۇرايدى.
اۆتور: ەرلان قوجاكەلديەۆ