الماتى وبلىسىنىڭ اكىمى 15 بالانىڭ تۇساۋىن كەستى
جەتىسۋ جەرىنىڭ جاستارى تىككەن قازاق ءۇي الدىندا تۇساۋكەسەر ءراسىمى ءوتتى. بۇل جەردە 10 جاس انا سابيلەرىمەن قاتار تۇرىپ، اماندىق باتالوۆقا بالالاردىڭ تۇساۋىن كەستىردى. ال قالعان بەس بالانىڭ تۇساۋ كەسۋ ءراسىمى ءار كيىز ءۇيدىڭ الدىندا ءوتتى.
سونداي- اق ۇلىستىڭ ۇلى كۇنى جەتىسۋ جەرىندە سپورتشىلاردىڭ جارىسىمەن دە ەرەكشە ەستە قالدى. بىلەكتى ەر ازاماتتار 35 كەلىدەن استام قويدى كوتەرۋدەن سىنعا ءتۇستى. قويدى يىعىنا سالىپ، كەمىندە 70 رەتتەن كوتەرگەن ەر ازاماتتاردىڭ كۇش- جىگەرى كوپشىلىكتى ءتانتى ەتتى. سونىمەن قاتار، ءاز ناۋرىز مەرەكەسىندە تەاترلاندىرىلعان قويىلىم حالىققا ەرەكشە كوڭىل- كۇي سىيلادى.
ەستەرىڭىزگە سالا كەتەيىك، بۇگىن جەتىسۋ جۇرتشىلىعى ناۋرىز مەيرامىن ەرەكشە ءسان- سالتاناتپەن قارسى الدى. ءاز ناۋرىز مەيرامى «بۇلاق كوزىن اشۋ» راسىمىمەن باستالىپ، شارالار «جاستار» ساياباعى ماڭىندا ارنايى تىگىلگەن كيىز ۇيلەر قالاشىعىندا جالعاستى.
«نۇر سەبەلە، ۇلىستىڭ ۇلى كۇنى» مەرەكەلىك شاراسىندا جۇزدەگەن قالا تۇرعىنى مەن قوناقتارى وبلىستىق مەكەمە- ۇيىمدار ۇيىمداستىرعان كيىز ۇيلەر قالاشىعىنىڭ الدىنا قويىلعان ءتۇرلى كورمەلەردى تاماشالادى. اتاپ ايتقاندا، حالىق داستۇرلەرىنىڭ كورمەلەرى، قولونەر جانە قىلقالام شەبەرلەرىنىڭ «شەبەرلەر اۋىلى»، بالالار كوركەمونەر مەكتەبى تاربيەلەنۋشىلەرى تۋىندىلارىنىڭ، قازاقستان حالقى اسسامبلەياسىنىڭ ۇلتتىق- مادەني ورتالىقتارىنىڭ «دوستىق الاڭى» كورمەلەرى، سول سياقتى كاسىپورىندار مەن شاعىن جانە ورتا بيزنەس نىساندارىنىڭ «قازاقستاندا جاسالعان» كورمەسى ۇسىنىلدى. سونداي- اق ۇلتتىق سپورتتىق ويىنداردى وتكىزۋگە ارنالعان الاڭدار ۇيىمداستىرىلدى.
مەرەكە مازمۇندى كونسەرتپەن جالعاستى. كەشكىلىك جاستارعا ارنالعان بي كەشى ۇيىمداستىرىلادى.
اۆتور: سامال قابىشيەۆا