«ا پ ك ينفورم» اقپاراتتىق ۇيىمى جوبانىڭ قوسالقى ۇيىمداستىرۋشىسى بولىپ تابىلادى.
بۇگىنگى كۇنى كونفەرەنسياعا قاتىسۋعا رەسەيدىڭ، ۋكراينانىڭ، يتاليانىڭ، گەرمانيانىڭ جانە تاعى باسقا ەلدەردىڭ جەمىس- كوكونىس سالاسىنىڭ بەلسەندى وكىلدەرى مۇددەلىك تانىتۋدا. «قاز اگرو ماركەتينگ» ا ق كونفەرەنسياعا قاتىسۋشىلاردىڭ 50 پايىزىن ەلىمىزدىڭ جەمىس- كوكونىس وسىرۋشىلەرى قۇرايتىن بولادى، دەپ اتاپ ءوتتى.
حالىقارالىق كونفەرەنسيا قازان ايىنىڭ 20-21 - جۇلدىزدارى ارالىعىندا الماتى قالاسىندا، Holiday Inn Almaty قوناقۇيىندە وتكىزىلەتىنىن ەستەرىڭىزگە سالا كەتەمىز. شارانىڭ ىسكەرلىك باعدارلاماسىندا قازاقستاننىڭ جەمىس- كوكونىس ونىمدەرىن ءوندىرۋ سالاسىنىڭ وزەكتى ماسەلەلەرى تالقىلانىپ، بولاشاقتاعى دامۋى بولجامداناتىن بولادى. اتالعان ماسەلەلەردى تالقىلاۋ وتاندىق جەمىس- كوكونىس سالاسىنا قاتىسۋشىلارمەن قاتار، ت م د، ەۋروپا جانە باسقا الىس تا جاقىن شەتەلدەردىڭ ءونىم وندىرۋشىلەرى جانە تەحنولوگيالاردى جەتكىزۋشىلەرى ءۇشىن قىزىعۋشىلىق تانىتاتىنى ءسوزسىز.
كونفەرەنسيا جۇمىسىنا قازاقستان رەسپۋبليكاسى اۋىل شارۋاشىلىعى مينيسترلىگىنىڭ، FAO حالىقارالىق ۇيىمىنىڭ، «قازاگرو» ۇلتتىق باسقارۋشى حولدينگى ا ق، قازاقستاننىڭ كارتوپ جانە كوكونىس ونىمدەرىن وندىرۋشىلەر قاۋىمداستىعىنىڭ، قازاقستاننىڭ باقشا ونىمدەرىن وندىرۋشىلەر قاۋىمداستىعىنىڭ، قازاقستاننىڭ فەرمەرلەر وداعىنىڭ، قازاقستاننىڭ جىلىجايلار قاۋىمداستىعىنىڭ، قازاقستاننىڭ ساۋدا جاساۋشى كاسىپورىندارى قاۋىمداستىعىنىڭ، قازاقستاننىڭ حالىقارالىق ساۋدا بيرجاسىنىڭ، «قازاگروقارجى» اق، «اۋىل شارۋاشىلىعىن قارجىلاي قوللاۋ قورى» ا ق وكىلدەرى بەلسەنە قاتىساتىن بولادى.