ءۇندىستاننىڭ ازاماتتىق بەلسەندىسى 15 جىلعا سوزىلعان اشتىقتى توقتاتتى
10:39, 27 - شىلدە 2016
استانا. قازاقپارات - ءۇندىستاننىڭ ازاماتتىق بەلسەندىسى يروم شارميلا 15 جىل بۇرىن باستاعان اشتىقتى توقتاتقانى جانە سايلاۋعا قاتىسۋعا دايىن ەكەنىن جاريالادى، دەپ حابارلادى russian.rt.
44 جاستاعى ايەلدىڭ سوزىنە قاراعاندا، اشتىق ارقىلى نارازىلىق ءبىلدىرۋى ەش نارسەنى وزگەرتە الماعاندىقتان وسىنداي شەشىم قابىلداعان. بەلسەندى مانيپۋر شتاتىنىڭ زاڭنامالىق جيىنىنا كانديداتۋراسىن ۇسىناتىنىن ايتتى، دەپ جازدى The Indian Express.
ءۇندىستاندىق 2000-جىلدىڭ قاراشاسىندا تاماق جەۋدەن باس تارتقان. وسىلايشا ول قارۋلى كۇشتەردىڭ ارنايى وكىلەتتىلىكتەرى تۋرالى اكتتەن باس تارتۋعا قول جەتكىزبەك بولعان.
سوڭعى جىلدارى بەلسەندىنى ماجبۇرلەپ تاماقتاندىرعان.