الماتىدا اتىستان قازا تاپقانداردىڭ وتباسىنا 15 ميلليون تەڭگەدەن ماتەريالدىق كومەك كورسەتىلەدى
بۇل اقپاراتتى الماتى قالاسىنىڭ اكىمدىگى راستادى.
ەستەرىڭىزگە سالا كەتەلىك، بۇگىن الماتى قالاسىنىڭ اكىمى باۋىرجان بايبەك قالالىق جەدەل شۇعىل كومەك كورسەتۋ اۋرۋحاناسىنا كەلىپ، كەشە اتىس سالدارىنان زارداپ شەككەندەردىڭ حال- جايىن بىلگەن بولاتىن.
«ءبىز قازىر مىنا اۋرۋحاناعا كەلدىك. كەيىن، ەكىنشى اۋرۋحاناعا بارامىز. بۇگىن قازا تاپقان ادامداردىڭ وتباسىنا بارىپ، كوڭىل ايتامىز. قازىر دارىگەرلەر جاراقات العانداردىڭ ءومىرىن امان الىپ قالۋ ءۇشىن قولدان كەلگەننىڭ بارلىعىن جاساپ جاتىر.
ءۇش پوليتسيا قىزمەتكەرى وتە اۋىر حالدە جاتىر. قازىر جەرگىلىكتى دارىگەرلەرگە اسكەري حيرۋرگيا سالاسىنىڭ ماماندارى كومەكتەسىپ جاتىر. ولار دۇرىس مەديتسينالىق شارالار قولدانىلىپ جاتقاندىعىن ايتتى. تاعى ءبىر زارداپ شەككەن ەكى ادامنىڭ ءحالى تۇراقتالىپ كەلەدى»، - دەدى ءوز سوزىندە ب. بايبەك.
اۆتور: ايبوتا جاپپاربەرگەن