پاكىستاندا بويجەتكەندى ورتەۋ تۋرالى شەشىم قابىلداعان 15 اقساقال ۇستالدى
07:16, 06 - مامىر 2016
استانا. قازاقپارات - پاكىستاندا 16 جاستاعى قىزدى ورتەپ جىبەرۋ تۋرالى شەشىم قابىلداعان ءبىر تايپانىڭ اقساقالدار كەڭەسىنىڭ 15 مۇشەسى قاماۋعا الىندى.
قىز يسلامابادتان 50 شاقىرىم جەردەگى دۋنگا گالي اۋدانىنداعى اۋىلدا قىز بەن جىگىتتىڭ قاشىپ كەتۋىنە جاردەمدەسكەن، دەپ حابارلايدى Reuters اگەنتتىگى.
اقساقالدارمەن بىرگە قىزدىڭ شەشەسى جانە اعاسى قامالدى. ولار جازا بەرىلۋدى قولداعان ءارى سونىڭ ورىندالۋىن قاراپ تۇرعان. تايپا (جيرگي) كەڭەسىنىڭ مۇشەلەرى قىز ءوز ارەكەتىمەن تايپانى قارابەت قىلدى دەپ ساناعان.
«قىزدى اۋىلدان الىس جەردە وتكەن اقساقالدارى كەڭەسىنە اكەلگەن. وعان ەسىرتكى بەرىپ ەسىنەن تانىپ قالعاندا, شاعىن اۆتوبۋسقا وتىرعىزىپ، قول اياعىن بايلاپ ۇستىنە بەنزين قۇيىپ كولىكپەن بىرگە ورتەپ جىبەرگەن»، دەيدى اۋداننىڭ پوليتسيا باسشىسى سايد ۆازير.