الماتىدا 15 مينۋتتا ءۇي توناعان ءبىر توپ ۇرى ءىزى سۋىماي ۇستالدى
بۇل تۋرالى قالالىق ءى ءى د- نىڭ باسپا ءسوز قىزمەتى حابارلادى.
كۇدىكتىلەر دوستىق شاعىن اۋدانىنداعى ۇيلەردىڭ ءبىرىن تاپا-تال تۇستە توناپ كەتكەن.
«ولار ويلاعاندارىن نەبارى 10-15 مينۋتتا ىسكە اسىرعان. بايلاۋلى قاباعان ءيتتىڭ كوزىنە «اشتى» باللون گازىن شاشقان. ۇيدەن التىن، ۇيالى تەلەفون، پلانشەت، تاپانشا، كوللەكسيالىق مونەتالاردى الىپ شىققان، ولاردىڭ جالپى قۇنى 2 ميلليون 100 مىڭ تەڭگە تۇرادى»، - دەدى قالالىق ءى ءى د كريمينالدى پوليتسيا باسقارماسىنىڭ باسشىسى جانبولات زيادين.
الايدا، وڭاي ولجانى دىتتەگەندەر ءىزى سۋىماي جاتىپ ۇستالدى. «ارلان» ارنايى جاساعىنىڭ جاساعى مەن تەرگەۋشىلەر ولاردىڭ كولىگىنەن جوعالعان بۇيىمدار مەن 2 پىشاق، بىرنەشە بۇرىش گازدى باللوندى تاپتى.
كۇدىكتىلەردىڭ بارلىعى ش ق و- نىڭ تارباعاتاي اۋدانىنىڭ تۋمالارى بولىپ شىقتى. ولاردىڭ بىرىنە ۇرلىق جاساعانى ءۇشىن سەمەي ءى ءى ب ىزدەستىرۋ جاريالاعان بەلگىلى بولدى.
قازىر ۇستالعانداردىڭ وزگە دە قىلمىسقا قاتىستىلىعى تەكسەرىلىپ جاتىر.
اۆتور: گۇلميرا عوسمان-ءالي