15 جىلداي بۇرىن الان، شونجىك جانە قونجىقتى پوليتسيا ارنايى جاساعى رەيد جۇرگىزۋ بارىسىندا ناركوباروننىڭ ءۇيىنىڭ جەرتولەسىنەن تاپقان بولاتىن. ول كەزدە ولاردىڭ جاستارى بىرگە دە تولماعان، ءارى كۇتىمسىزدىكتەن السىرەپ قالعان ەدى. ۇشەۋىنەن دە پارازيتتەر تابىلدى. ماماندار ولاردى بوساتىپ جىبەرسە ءولىپ قالادى دەپ سانادى.
سودان بەرى ءۇش جىرتقىش BLT (bear, lion, tiger) جانۋارلار ۇيىندە ءبىر-بىرىنەن اجىراعان ەمەس. تەك ءبىر مارتە ايۋعا وتا جاسالعان كەزدە ەكەۋى عانا قالدى.
ولاردىڭ اتتارى دا قىزىق، مۋلتفيلمنەن تاڭدالعان. امەريكالىق قارا ايۋدىڭ اتى - بالۋ، افريكالىق ارىستان - لەو. بەنگال جولبارىسىنىڭ اتى - شەرحان. ولار قازىر اجىراماس دوستىقتىڭ ۇلگىسىندەي، شات-شادىمان تىرشىلىك كەشۋدە.
ولاردىڭ ءبىر-بىرىمەن قارىم-قاتىناسى ەرەكشە. ادەتتە مۇنداي جىرتقىش اڭدار ءبىر-بىرىمەن ءتىل تابىسا المايدى. الايدا 15 جىل ىشىندە بۇل ۇشەۋدىڭ ءبىر-بىرىنە مەيىرىم عانا بايقالادى.
جانۋارلار ۇيىندە جىرتقىشتاردىڭ مىنەز-قۇلقى كىشكەنتاي كەزىنەن باستاپ وسى ۋاقىتقا دەيىن مۇلدەم وزگەرمەگەن. مىسالى، شەرحان و باستان تەنتەك، شولجاڭ بولدى. ءالى كۇنگە سولاي.
«ۇشەۋى بىرگە تىنىعادى، بىرگە تاماقتانادى، وينايدى. ولاردىڭ بۇلاي جاقىن قارىم-قاتىناسىنا وتكەن كەزەڭدە بىرگە كەشكەن اۋىر ساتتەرى سەبەپ بولعان شىعار»، دەپ جازادى The Telegraph باسىلىمى.