جايىق-كاسپي باسسەينىندە سۋعا باتقان 15 كەمەنى كوتەرۋدىڭ شىعىندارى انىقتالدى
08:45, 31 - قاڭتار 2015
استانا. قازاقپارات - ق ر قورعانىس مينيسترلىگى جانە رەسپۋبليكالىق مەملەكەتتىك قازىنالىق سۋ جولدارى كاسىپورىندارى (اتىراۋ جانە ورال ق.) ۇسىنعان دەرەكتەرگە سايكەس، جايىق-كاسپي باسسەينىندە 20 كووردينات بويىنشا زەرتتەۋ جۇرگىزىلدى جانە 15 سۋعا باتقان كەمەنى كوتەرۋ تاسىلدەرى مەن قۇنى انىقتالدى.
ايتا كەتەيىك، كاسپي تەڭىزىنىڭ قازاقستاندىق سەكتورىندا جانە جايىق وزەنىندە كەمە قاتىناسىنىڭ قاۋىپسىزدىگىن قامتاماسىز ەتۋ، سونداي-اق سۋ ايدىندارىنىڭ ەكوجۇيەسىن قورعاۋ ماقساتىندا ق ر ۇكىمەتى جايىق-كاسپي باسسەينىن سۋعا باتقان كەمەلەردەن تازارتۋ جونىندەگى ءىس-شارالار جوسپارىن بەكىتكەن ەدى.
«ق ر ينۆەستيتسيالار جانە دامۋ مينيسترلىگى ق ر ەنەرگەتيكا مينيسترلىگىنە مەملەكەتتىك ەكولوگيالىق ساراپتاما جۇرگىزۋ ءۇشىن سۋعا باتقان كەمەلەردى كوتەرۋ جونىندەگى جوبالىق قۇجاتتاماعا ونىڭ قورشاعان ورتاعا اسەرىن باعالاۋ جونىندەگى ىلەسپە ماتەريالداردى جولدادى. وسى شارالاردى ورىنداۋ قورشاعان ورتاعا جانە حالىقتىڭ دەنساۋلىعىنا تەرىس اسەرلى سالدارىن ايقىندايدى جانە شەكتەيدى»، - دەپ اتاپ وتىلگەن ق ر ينۆەستيتسيالار جانە دامۋ مينيسترلىگىنىڭ مالىمەتىندە.