سولتۇستىك كورەيالىق كوشباسشىنا قاۋىپ توندىرگەن «ينتەرۆيۋ» 15 ميلليون جينادى
بۇل تۋرالى Reuters فيلمدى شىعارۋشى Sony Pictures Entertainment كومپانياسىنا سىلتەمە جاساپ حابارلايدى.
كومپانيا مالىمەتتەرىنە سايكەس، كومەديانى ەكى ميلليونعا تارتا ينتەرنەت پايدالانۋشى كوشىرىپ العان نەمەسە ونلاين كورۋ قۇنىن تولەگەن.
سونداي-اق ا ق ش-تىڭ ءبىرقاتار كينوتەاترلارىندا كورسەتىلگەن فيلم قوسىمشا ءۇش ميلليون دوللارعا جۋىق تابىس ءتۇسىرىپتى.
«ءبىز بۇل فيلمدى روجدەستۆوعا دەيىن شىعارىپ ۇلگەرۋ ءۇشىن تىنىمسىز ەڭبەك ەتتىك»، - دەيدى كومپانيا جەتەكشىلەرىنىڭ ءبىرى روري بريۋەر. ول سونداي-اق Sony Pictures «كوزدەگەن ماقساتقا جەتە العانىنا وتە قۋانىشتى» ەكەنىن اتاپ ءوتتى.
كارتينادا باستى رولدەردى دجەيمس فرانكو («ورمەكشى ادام»، «حارۆي ميلك») مەن سەت روگەن («جاسىل شەرشەن») سومدايدى.
«ينتەرۆيۋ» كومەدياسىنىڭ سيۋجەتى كيم چەن ىننان سۇحبات الۋ مۇمكىندىگىنە يە بولعان قوس جۋرناليستىڭ باستان كەشكەن وقيعالارىنا نەگىزدەلگەن. سولتۇستىك كورەياعا جول جۇرمەس بۇرىن ولار قۇپيا قىزمەتتىڭ قاتارىنا كىرىپ، ولارعا ك ح د ر باسشىسىن ءولتىرۋ تاپسىرماسى بەرىلەدى.
ازيالىق مەملەكەتتىڭ بيلىگى فيلمنىڭ مازمۇنىن سىناپ، ول ا ق ش ۇكىمەتى مەن امەريكالىق قوعامنىڭ قانشالىقتى قاجىپ كەتكەنىن كورسەتەدى دەگەن باعا بەرىپتى. ا ق ش كينوسىنشىلارىنىڭ ءوزى دە تىم جەڭىلتەك فيلمنىڭ سيۋجەتىنە تەرىس ريتسەنزيا بىلدىرگەن ەكەن.
كارتينا بۇعان دەيىن اينالاسىندا تۋىنداعان حالىقارالىق داۋعا بايلانىستى كەڭاۋقىمدى پروكاتتان كەرى قايتارىلعان بولاتىن. Sony Pictures Entertainment حاكەرلەردىڭ قاتاڭ ەسكەرتۋىنەن كەيىن 25 جەلتوقسانعا بەلگىلەنگەن تۇساۋكەسەرىنەن دە باس تارتۋعا ءماجبۇر بولدى.
وزدەرىن «الەم ساقشىلارى» توبىنا جاتقىزاتىن حاكەرلەر كومپانيانىڭ كومپيۋتەرلىك جەلىسىن بۇزىپ كىرىپ، «ينتەرۆيۋ» كينولەنتاسىن كورسەتەتىن ا ق ش كينوتەاترلارىنا «2001 - جىلدىڭ 11 - قاراشاسىنداعىداي» لاڭكەستىك شابۋىل جاسالادى دەگەن ەسكەرتۋ جاساعان.
الايدا ول ارەكەتتەرىن قالاي جۇزەگە اسىراتىندارىن حاكەرلەر ناقتىلاماپتى.
BNews.kz