ب ق و سوتىنىڭ باسپا ءسوز قىزمەتىنەن تۇسكەن مالىمەتكە قاراعاندا، 2012-جىلعى 20- قاراشادا م. بەرتىلەۋوۆ اعاسىنا تيەسىلى «ۆاز-21140» اۆتوكولىگىمەن تانىسى ن. ەسقاليەۆپەن بىرگە ۇرىساي اۋىلىنان اناسى جاتقان شىڭعىرلاۋ اۋداندىق اۋرۋحاناسىنا بارۋعا جولعا شىققاندا، اۆتوكولىكتىڭ ارتقى ورىندىعىنا 12-ۇڭعىلى مىلتىقتى سالىپ العان. اۋدان ورتالىعىندا م. بەرتىلەۋوۆ تانىسىن كەزدەستىرىپ، ودان كولىك جۇرگىزۋىن وتىنگەن. جولشىباي م. بەرتىلەۋوۆ ءوز بەتىمەن كەتىپ بارا جاتقان شىڭعىرلاۋ اۋىلىنىڭ قوس تۇرعىنىن كورگەن دە، اۆتوكولىكتى توقتاتۋدى بۇيىرعان. سودان كەيىن قىلمىستىق ويىن ىشتە وتىرعاندارعا بىلدىرمەي، اڭشى مىلتىعىن الىپ، اۆتوكولىكتەن شىققان بويدا كەتىپ بارا جاتقان ادامداردى شاقىرىپ، ەكى مارتە وق اتقان. مىلتىعىن قايتا وقتاپ، الگىلەردىڭ ارتىنان قۋعان، ولاردىڭ جاسىرىنىپ ۇلگەرۋى ارقاسىندا عانا م. بەرتىلەۋوۆتىڭ كىسى ولتىرمەك ارەكەتى اياعىنا دەيىن جەتكىزىلمەگەن. اتىلعان وقتان جابىرلەنۋشىنىڭ ءبىرىنىڭ ومىرىنە قاۋىپ ءتونىپ، باسى مەن موينىنان جاراقاتتانىپ، ميى ورتا دارەجەدە شايقالعان، وعان قوسا ماڭداي سۇيەگى تەسىلىپ، سىنعان.
اۆتور: ەلجان ەرالى