گرەكياداعى ارالدى 15 ميلليون ەۋروعا ساتپاق
10:22, 02 - قىركۇيەك 2014
استانا. قازاقپارات - گرەكيادا كولەمى 5 گەكتار بولاتىن ارال ساۋداعا قويىلدى. ونىڭ ىشىنە ءتورت جاتىن بولمەسى بار ءۇي، قىزمەت كورسەتۋشىلەرگە ارنالعان ءۇي، شاراپ بارى، شىركەۋ، 17- عاسىرداعى باقىلاۋ مۇناراسى، 350 ءزايتۇن اعاشى مەن 2 قۇمدى جاعاجاي كىرەدى.
سونداي-اق ترويتسا ارالىندا باربەكيۋگە ارنالعان الاڭ، جاعاجايداعى ءۇي مەن ءۇش شاعىن قايىققا ارنالعان تۇراق تا بار، دەپ جازدى Euromag.
ترويتسا ارالى ەۆيا شىعاناعىندا، حالكيدا قالاسىنىڭ ماڭىندا ورنالاسقان. قۇنى - 15 ميلليون ەۋرو.