كوروناۆيرۋستىڭ وشاعى سانالعان قىتايدا ۆيرۋستىڭ تارالۋى ايتارلىقتاي باسەڭدەدى. بۇگىن بۇل ەلدە ءبىر تاۋلىكتە 20 وقيعا تىركەلگەن. جالپى، قىتايدا 80884 ادام كوروناۆيرۋس جۇقتىرىپ، ونىڭ 3199 ى قايتىس بولدى. ستاتسيونارلاردا 10734 ناۋقاس ەم الىپ جاتسا، 66911 ادامنىڭ جازىلعانى بەلگىلى. ال الەمنىڭ باسقا ەلدەرىندە 75650 (كرۋيز لاينەرىن قوسا العاندا) ادام ۆيرۋس جۇقتىرىپ، ونىڭ 2623 ءى قازا بولدى.
1 «ا» ساناتىنا جاتقىزىلعان يتاليادا ءبىر تاۋلىكتە ۆيرۋس جۇقتىرعان 3497 ادام انىقتالدى. ۆيرۋس جۇقتىرعاندىعى ناقتىلاعان ناۋقاستار سانى - 21157 ادام، قازا تاپقاندار - 1441. 1 «ب» ساناتىنداعى يسپانيادا 6391 ادام ۆيرۋس جۇقتىرىپ، 195 ادام قايتىس بولدى. ءبىر تاۋلىك ىشىندە كوروناۆيرۋس جۇقتىرعانى راستالعان ادامدار سانى - 1159.
1 «ا» ساناتىنا كىرەتىن يراندا 12729 ادامعا (ءبىر تاۋلىكتە 1365 ادامعا ۆيرۋس جۇققانى انىقتالدى) ۆيرۋس جۇعىپ، 611 ادام مەرت بولدى. وڭتۇستىك كورەيادا 8086 ادامنىڭ (ءبىر تاۋلىكتە 107) كوروناۆيرۋس جۇقتىرعانى انىقتالدى. قازا بولعاندار - 72 ادام.
ال 1 «ب» ساناتىنا كىرەتىن فرانسيادا وسى ۋاقىتقا دەيىن 4469 ادامنىڭ ۆيرۋس جۇقتىرعانى بەلگىلى. وسى تاۋلىكتە بۇل ەلدە 808 ادامعا ۆيرۋس جۇققانى راستالدى. قايتىس بولعاندار - 91 ادام. گەرمانيادا تاۋلىك ىشىندە 924 ادامنان كوروناۆيرۋس تابىلىپ، 9 ادام قازا تاپتى. جالپى، 4599 ادامنان كوروناۆيرۋس تابىلعان.