يراننىڭ مينيسترلەر كابينەتى سارسەنبى كۇنى جول جانە قالالىق دامۋ مينيسترلىگىنە زارداپ شەككەندەر وتباسىنا مۇمكىندىگىنشە تەزىرەك ءتيىستى اگەنتتىكتەرمەن بىرلەسە وتىرىپ، ۇلتى، ازاماتتىعى جانە جىنىسى بويىنشا ەش كەمسىتۋسىز جانە قۇربان بولعان ازاماتتار ەلدەرىنىڭ زاڭدارىنا سايكەس 150 مىڭ ا ق ش دوللارىن نەمەسە سوعان بالاما سومانى تولەۋدى تاپسىردى.
ەسكە سالا كەتەيىك، بيىلعى 8 - قاڭتاردا تەگەران ۋاقىتىمەن 6:00-دە يمام حومەيني اتىنداعى اۋەجايدان تەگەران- كيەۆ باعىتىمەن ۇشىپ شىققان «ۋكراينا حالىقارالىق اۋە جەلىلەرى» اۋە كومپانياسىنىڭ Boeing-737 ۇشاعى اپاتقا ۇشىرادى.
ۇشاق بورتىندا 177 ادام بولعان: 168 جولاۋشى مەن 9 ەكيپاج مۇشەسى. ونىڭ ىشىندە يراننىڭ - 82، كانادانىڭ – 63، ۋكراينانىڭ - 2 9 (ەكيپاج)، شۆەتسيانىڭ - 10، اۋعانستاننىڭ - 4، گ ف ر- دىڭ - 3، ۇلى بريتانيانىڭ 3 ازاماتى بولدى. ونىڭ بارلىعى قازا تاپتى. ۇشاق اپاتىنا بايلانىستى جاۋاپكەرشىلىكتى يراننىڭ اسكەري- ساياسي قۇرىلىمى - «يسلام ريەۆوليۋتسيالىق ۇلاندار كورپۋسى» ءوز موينىنا الدى.
يران ازاماتتارى اپات سالدارىنان قايتىس بولعان ازاماتتاردىڭ ەلدەرىمەن بىرنەشە وتىرىس وتكىزدى. كەلىسسوز ناتيجەسىندە تاراپتار زارداپ شەككەندەردىڭ وتباسىنا وتەماقى تولەۋ تۋرالى كەلىستى. سونداي- اق، يران مۇددەلى ەلدەرگە «ۋكراينا حالىقارالىق اۋە جەلىلەرى» ۇشاعى اپاتىنىڭ سەبەپتەرىن زەرتتەۋ ناتيجەسى بويىنشا تەحنيكالىق ەسەپ جوباسىن تاپسىردى.
اۆتور: اياۋلىم التىنبەك