بۇل تۋرالى جەرگىلىكتى اپاتتىق- قۇتقارۋ قىزمەتىنىڭ وكىلىنە سىلتەمە جاساپ اسسوشيەيتەد پرەسس حابارلادى. بۇعان دەيىن 140 ادامنىڭ اجال قۇشىپ، 49 ىنىڭ زارداپ شەككەنى تۋرالى ايتىلعان بولاتىن. ءورت جەكسەنبى كۇنى تاڭەرتەڭ پەندجاب پروۆينسياسىندا بولدى. جەرگىلىكتى تۇرعىندار تراسساعا توگىلگەن جانارمايدى جيناۋ ءۇشىن اۋدارىلعان كولىكتىڭ جانىنا جينالعان.
وقيعاعا كۋا بولعانداردىڭ ايتۋىنشا، ولاردىڭ كەيبىرى شىلىم شەگىپ تۇرعان، وتتىڭ تۇتانۋىنا وسى سەبەپ بولۋى مۇمكىن. ونداعان اۆتوكولىك، سونىڭ ىشىندە 75 موتوسيكل مەن ءتورت ماشينا جالىن قۇرساۋىندا قالدى. ءتىلسىز جاۋ اۋىزدىقتالدى.
مەرت بولعانداردىڭ دەنىنىڭ اتى-ءجونىن دنق ساراپتاماسىنان كەيىن عانا انىقتاۋ مۇمكىن بولادى. پاكىستان باسشىلىعى پەندجابتا ادامداردىڭ ءولىمىن ۇلتتىق تراگەديا دەپ اتادى. وزگە ەل پرەزيدەنتتەرى قازا بولعانداردىڭ وتباسىلارى مەن ەل بيلىگىنە قايعىرىپ كوڭىل ايتۋدا.
اۆتور: ميرا تولەندى قىزى