الماتى وبلىسىندا كوشى-قون زاڭىن بۇزۋشىلاردان مەملەكەت قازىناسىنا 150 ميلليون تەڭگەگە جۋىق قاراجات ءتۇستى
08:00, 08 - جەلتوقسان 2014
استانا. قازاقپارات - 2014-جىلى الماتى وبلىسىنىڭ پوليتسەيلەرى كوشى-قون زاڭناماسىن ءتۇرلى دارەجەدە بۇزعاندارى ءۇشىن 7182 شەتەل جانە 12546 قازاقستان ازاماتىن جاۋاپكەرشىلىككە تارتتى. ولارعا سالىنعان جالپى ايىپپۇل مولشەرى 149055835 تەڭگەنى قۇرادى.
سالىنعان ايىپپۇلداردىڭ 98,5 پايىزى مەملەكەت پايداسىنا ءوندىرىلىپ الىندى. كوشى-قون زاڭناماسىن بۇزعانى ءۇشىن 3676 شەتەلدىك سوت شەشىمىمەن اكىمشىلىك قاماۋعا الىندى، 216 ادام ەل اۋماعىنان شىعارىلدى. سونىمەن قاتار 116 شەتەل ازاماتى قىلمىستىق جاۋاپكەرشىلىككە تارتىلدى، ولاردىڭ 23 ءى وبلىس اۋماعىندا اۋىر جانە اسا اۋىر قىلمىس جاسادى دەپ كۇدىكتەلۋدە.
سونداي-اق الماتى وبلىسى اۋماعىندا شەتەل ازاماتتارىنا قاتىسى بار 23 قىلمىس جاسالدى، دەپ حابارلايدى وبلىستىق ءى ءى د- ءىنىڭ باسپا ءسوز قىزمەتىنەن.