داعىستاندا ەكى كولىك 150 مەترلىك جاردان قۇلاپ، بەس ادام اجال قۇشتى
07:36, 28 - قاراشا 2014
استانا. قازاقپارات - داعىستاننىڭ سۋنتينسك اۋدانىندا 150 مەترلىك جاردان قۇلاعان ەكى كولىك ىشىندەگى بەس ادام قازا تاپتى، دەپ حابارلادى ت ا س س اگەنتتىگىنە رەسپۋبليكالىق ءى ءى م باسپا ءسوز قىزمەتىنىڭ وكىلى.
«جەرگىلىكتى ۋاقىت بويىنشا ساعات 12:30 دا داعىستاننىڭ سۋنتينسك اۋدانىندا جاردان قۇلاعان Audi جانە Priora كولىكتەرى تابىلدى. وقيعا سالدارىنان بەس ادام قازا تاپتى، سونىڭ ىشىندە ۇشەۋى اۋداندىق ءى ءى ب قىزمەتكەرلەرى بولعان. شاماسى، جول-كولىك وقيعاسى تۇندە ورىن العان. وقيعانىڭ ەگجەي-تەگجەيلەرى انىقتالۋدا».