ارنايى ۇيىمداستىرىلعان جيىندا الەمنىڭ ەڭ ۇزدىك پالۋانى اتاعىن جەڭىپ الۋ ءۇشىن كەلگەن 35 ەلدىڭ سپورتشىسى سالماق ولشەدى. 25 - قازان كۇنى پاۆلوداردا وتەتىن «الەم بارىسىنا» قازاقستان اتىنان بەيبىت ىستىبايەۆ، ايبەك نۇعىماروۆ، اسىل بارمەنوۆ، رۋسلان ابدرازاقوۆ قاتىسادى.
«الەم بارىسى» سايسىنىڭ جۇلدە قورى - 150 مىڭ ا ق ش دوللارى. 1- ورىندى جەڭىپ العان پالۋانعا 100 مىڭ، 2- ورىنعا 20 مىڭ، 3- ورىنعا 10 مىڭ دوللار بەرىلسە، ەڭ ۇزدىك 10 پالۋانعا 1 مىڭ دوللاردان تاپسىرىلادى.
كۇرەستى تاماشالاۋعا كەلگەن كورەرمەن اراسىندا ۇتىس ويناتىلادى. جەڭىمپازعا - Nissan Almera جەڭىل اۆتوكولىگى.
«الەم بارىسى» «قازاقستان» ، «Kazsport»، رەسەيلىك «بوەتس» ، تۇركيالىق «TRT Avaz» تەلەارنالارى ارقىلى كورسەتىلەدى.