ماڭعىستاۋدا 1500 دەن استام ادام جانۋارلاردان زارداپ شەككەن
سپيكەردىڭ ايتۋىنشا، ىندەت قوزدىرعىشى ساۋ ادامعا جانە مالعا قۇتىرعان يتتەن، قاسقىردان، تۇلكىدەن، قارساقتان، مىسىقتان تىستەگەن ۋاقىتتا سىلەكەي ارقىلى جۇعادى. اتالعان اۋرۋعا شالدىققاندا تىستەگەن جەر اۋىرىپ، ىسيدى. القىنىپ دەمالىپ، ءتۇرى جاڭا جىلاعان ادام سياقتى بولادى. اۋزىنىڭ سىلەكەيى قويۋلانىپ، جەلىمدەنە بەرەدى. ادامدى ۇرەي بيلەيدى، اشۋلانشاق كەلەدى، قۇتىرىنىپ الاس ۇرادى، سۋدان قورقادى، تالماسى ۇستاپ، دەنەسى قۇرىسىپ سال بولىپ قالادى.
«اۋرۋدىڭ تەز ءورشۋى جاراقاتتىڭ تەرەڭدىگى مەن ونداعى ۆيرۋستىڭ مولشەرىنە تىعىز بايلانىستى. سوندىقتان، جانۋارلاردان زارداپ شەككەن جاعدايدا جاراقات ورنىن سابىندى تازا سۋمەن جۋۋ كەرەك. سودان كەيىن جاراقات اينالاسىن ءسپيرتتى ەرىتىندىمەن زالالسىزداندىرىپ، مەديتسينالىق مەكەمەگە جۇگىنىپ، انتيرابيالىق ەكپە الۋ قاجەت. قۇتىرما اۋرۋىنىڭ الدىن الۋ جانە ولىمنەن قۇتقارۋدىڭ جالعىز ءادىسى - قۇتىرۋعا قارسى ەكپە الۋ»، - دەيدى وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى بەردىبەك سارالتايەۆ.
2022 -جىلدىڭ كۇز ايلارىندا وبلىس بويىنشا بارلىعى 59310 جانۋارعا قۇتىرماعا قارسى ۆاكسينا سالىنعان. ونىڭ ىشىندە ءمۇيىزدى ءىرى قارا – 5450، ۇساق مال – 19400، جىلقى – 8250، تۇيە – 22980، ءيت - 2900 جانە 330 مىسىققا وتاندىق پرەپارات «بيوترون گرۋپپ» ج ش س ۆاكسيناسى قولدانىلعان.