قىتاي ينۆەستورلارى سەمەيدە 1500 ورىندى تۇرمە سالۋعا نيەت تانىتىپ وتىر
09:24, 13 - قاراشا 2015
استانا. قازاقپارات - مەملەكەتتىك باعدارلامالاردى ورىنداۋعا قىتايلىق كومپانيالار اتسالىسادى. ماسەلەن، قىتاي ينۆەستورلارى سەمەيدە 1500 ورىندى تۇرمە سالۋعا نيەت تانىتىپ وتىر.
بۇل تۋرالى بۇگىن «جاڭا جىبەك جولى-2015» فورۋمى اياسىندا ءمالىم بولدى.
شارا بارىسىندا مەملەكەتتىك باعدارلامالاردى ۇزدىك ورىندايتىن ءىرى كومپانيا وكىلدەرىنە جاڭا مەملەكەتتىك جەكەمەنشىك سەرىكتەستىك زاڭىنىڭ تيىمدىلىگى تانىستىرىلدى. سونىمەن قاتار شەتەلدىك ينۆەستورلار قاتىسا الاتىن جوبالار جاريالاندى. مەيمانداردىڭ كوبى مەملەكەتتىك جەكەشەلەندىرۋ باعدارلاماسىنا قىزىعۋشىلىق ءبىلدىرىپ وتىر.
ليۋ بو، ق ح ر قازاقستانداعى ەلشىلىگىنىڭ ساۋدا- ەكونوميكا بويىنشا وكىلى- قىتاي ۇكىمەتى مەن بىرنەشە كومپانيا وسى باعدارلاماعا قاتىسۋعا نيەتتى. ياعني قىتاي كومپانيالارى قازاقستان كومپانيالارىنىڭ اكسيالارىن ساتىپ الاتىن بولادى. ارينە، ءبىرىنشى كەزەكتە، بۇل «قازمۇنايگاز»، «قازەنەرگو»، «قازاۆتوجول» كومپانيالارى.
www.khabar.kz