بۇگىن استانادا قاۋىپسىزدىكتى ساقتاۋعا 1500 اسكەر مەن پوليتسيا، 200 گە جۋىق ارنايى ماشينا تارتىلادى
بۇگىن تاۋەلسىزدىكتىڭ 25 جىلدىعىنا وراي بارلىق اۆتوبۋستاردا جول ءجۇرۋ قىزمەتى تەگىن، دەپ حابارلايدى قازاقپارات ءتىلشىسى.
ايتا كەتەيىك، بۇگىن ساعات 11:00 دە ەكسپو اۋماعىندا «تاۋەلسىزدىكتىڭ 25 جىلدىعى» مونۋمەنتى اشىلادى. كەشكى ساعات 17.00 دە «استانا وپەرا» تەاترىندا «تاۋەلسىزدىككە شاشۋ» مەرەكەلىك كونسەرتى وتەدى. سونداي-اق قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان سالتاناتتى كونسەرت «بايتەرەك» مونۋمەنتىنىڭ الدىندا ۇيىمداستىرىلادى. كونسەرت قازاقستان ەستراداسى جۇلدىزدارىنىڭ قاتىسۋىمەن وتەدى. ال اۋقىمدى مەرەكەلىك وتشاشۋدى ساعات 22:00 دە ەلوردانىڭ بىرنەشە اۋدانىندا، اتاپ ايتقاندا، ەسىل وزەنىنىڭ جاعالاۋىندا، پۋشكين كوشەسى مەن ابىلاي حان داڭعىلىنىڭ قيىلىسىندا جانە «حان- شاتىر» ساۋدا ورتالىعىنىڭ سىرتىندا تاماشالاۋعا بولادى. استانادا مەرەكە كۇندەرى قوعامدىق ءتارتىپتى، جەكە جانە مۇلىكتىك قاۋىپسىزدىكتى ساقتاۋعا جانە جول قاۋىپسىزدىگىن قامتاماسىز ەتۋگە 1500 گە جۋىق ق ر ءى ءى م ۇلتتىق ۇلان اسكەرى مەن پوليتسيا قىزمەتكەرى، 200 گە جۋىق ارنايى ماشينا تارتىلادى. سونداي-اق، ت ج د جەكە قۇرامىنان 4 بولىمشە، 204 ادام جۇمىلدىرىلادى. اۆتور: ارمان اسقاروۆ