150 مىڭ الماتىلىقتى سۋمەن قامتاماسىز ەتەتىن «اقساي» ستانسياسى قاراشادا ىسكە قوسىلادى

الماتى. KAZINFORM - ناۋرىزباي اۋدانىندا تۇرعىنداردى ساپالى اۋىزسۋمەن قامتاماسىز ەتۋ ءۇشىن بىرنەشە نىساننىڭ قۇرىلىسى ءجۇرىپ جاتىر. بۇل تۋرالى ناۋرىزباي اۋدانى اكىمى نازيرا توعىزبايەۆا ايتتى.

ناۋرىزباي اۋدانىنىڭ باسىم بولىگى الماتى وبلىسىنان قوسىلعان تاۋلى اۋماق. سوندىقتان مۇندا اۋىزسۋ ماسەلەسى وتكىر. نازيرا توعىزبايەۆانىڭ ايتۋىنشا، بيىل قاراشا ايىندا تاۋلىگىنە 22 مىڭ تەكشە مەتر سۋ وتكىزۋگە قابىلەتتى «اقساي» سۋ تارتۋ نىسانىنىڭ قۇرىلىسى اياقتالادى. نىساننىڭ جالپى قۇنى - 29,7 ميلليارد تەڭگە. قازىر جۇمىستىڭ �- ى اياقتالعان.

- سۋ تارتۋ نىسانىنا اپاراتىن 9 شاقىرىم جول مەن 5 كوپىر سالىنىپ جاتىر. بۇل ستراتەگيالىق ماڭىزدى نىسان اۋداننىڭ باتىس بولىگى مەن وبلىستىڭ قاراساي اۋدانىنداعى 150 مىڭ ادامدى اۋىزسۋمەن قامتاماسىز ەتەدى، - دەدى نازيرا توعىزبايەۆا.

ودان بولەك «اقجار» جوباسىنىڭ اياسىندا 2024 -جىلى 14 شاقىرىم سۋ قۇبىرى مەن 12 شاقىرىم كارىز جەلىسى سالىنعان. 2025 -جىلى بۇل جۇمىس جالعاسىپ، تاعى 17 شاقىرىم سۋ قۇبىرى مەن 15 شاقىرىم كارىز جەلىسى سالىنىپ جاتىر.

- «تاستىبۇلاق» پەن «تاۋسامالى» جوبالارىنا مەملەكەتتىك ساراپتامادان وڭ قورىتىندى الدىق. بۇل جوبالار بويىنشا جوسپارلانعان جۇمىستىڭ جالپى قۇنى - 9,6 ميلليارد تەڭگە. اتالعان جوبالار اۋداننىڭ ورنىقتى دامۋىنا قاجەتتى مىقتى ينجەنەرلىك نەگىز قالىپتاستىرىپ، تۇرعىنداردىڭ جايلى ءومىر ءسۇرۋى مەن قاۋىپسىزدىگىن ارتتىرادى، - دەدى اۋدان اكىمى.

ەسكە سالايىق، بۇعان دەيىن الماتىنىڭ «ەرمەنساي» شاعىن اۋدانىندا اۋىزسۋ تاپشىلىعى ماسەلەسىن شەشۋ ماقساتىندا ريەۆەرسيۆتى سۋ قۇبىرىنىڭ قۇرىلىسى ءجۇرىپ جاتقانىن جازعانبىز.

اۆتور

دوسبول اتاجان