رەسەيدە كەدەيلىك شەگىنەن تومەن تابىسى بار 15,3 ميلليون ادام تۇرادى

ماسكەۋ. تاسس - قازاقپارات - 2022-جىلى كەدەيلىك شەگىنەن تومەن تابىسى بار رەسەيلىكتەر سانى 15,3 ميلليون ادامدى نەمەسە ەل حالقىنىڭ %10,5 قۇرادى.

قازاقپارات بۇل تۋرالى تاسس اگەنتتىگىنە سىلتەمە جاساپ حابارلايدى.

رەسەي مەملەكەتتىك ستاتيستيكا قىزمەتىنىڭ سايتىنداعى اقپاراتقا سايكەس، 2021-جىلمەن سالىستىرعاندا الەۋمەتتىك جاعدايى تومەن حالىق سانى 0,7 ميلليون ادامعا - 16 ميلليوننان 15,3 ميلليونعا دەيىن ازايدى.

2022-جىلعا كەدەيلىك شەگى 13545 ءرۋبلدى (80745 تەڭگە) قۇرادى.

ستاتيستيكا قىزمەتىنىڭ مالىمەتىنە سايكەس، وتكەن جىلى حالىقتىڭ اقشالاي تابىسى 79,1 تريلليون ءرۋبلدى قۇراپ، ءبىر جىلدا ,2 ارتقان. ال حالىقتىڭ جان باسىنا شاققانداعى ورتاشا نومينالدى تابىسى ,4 كوبەيگەن. 2022-جىلى نومينالدى ماندە ورتاشا ايلىق جالاقى 64191 ءرۋبلدى (382660 تەڭگە) قۇراپ، 2021-جىلمەن سالىستىرعاندا ,6 كوتەرىلگەن.

بۇل رەتتە، ستاتيستيكا قىزمەتى 2022-جىلدىڭ العاشقى ءۇش توقسانىندا حالىقتىڭ ناقتى اقشالاي تابىسى تومەندەگەنىن، تەك ءتورتىنشى توقساندا ول ازداپ كوتەرىلگەنىن اتاپ وتەدى. جالپى 2022-جىلى ناقتى اقشالاي تابىس 2021-جىلمەن سالىستىرعاندا %1,4 تومەندەدى. ال ناقتى قولدا بار اقشالاي تابىس %1 ازايدى. رەسەي ستاتيستيكا قىزمەتى اتاعان سەبەپتەر اراسىندا جوعارى ينفلياتسيا، سونداي-اق پاندەميادان كەيىن كوپتەگەن سالادا قالپىنا كەلۋ پروتسەسى باستالعان 2021-جىلى تىركەلگەن جوعارى بازا ەففەكتىسى بار.