الماتىدا جەرگىلىكتى تۇرعىنداردىڭ شاعىمى بويىنشا رۋمىنيانىڭ 17 ازاماتى ناۋرىزباي اۋداندىق ءى ءى ب جەتكىزىلدى.
«قازىر تەرگەۋ ءبولىمىنىڭ وندىرىسىندە شەتەلدىكتەرگە قاتىستى ەكى الماتىلىق ازاماتتىڭ ارىزى جاتىر. ولاردىڭ ايتۋىنشا، وزدەرىن «شەتەلدىك تۋريستەرمىز» دەپ تانىستىرعان ءبىر توپ ەر ازاماتتار «برەندتىك تاۋارلار» دەپ ولارعا ارزان ىدىس- اياقتار ساتقان. رۋمىنيا ازاماتتارى جەرگىلىكتى تۇرعىندارعا اياق استىنان وتاندارىنا كەتۋگە تۋرا كەلگەندىكتەن اقشاعا مۇقتاج بولىپ تۇرعاندارىن سىلتاۋ ەتىپ ايتقان. وسىلايشا، قولدان جاسالعان ارزان ىدىس- اياقتار ساتقان. كۇدىكتىلەر ۇستالعان سوڭ، ولاردىڭ بۇل ىدىستاردى الماتى بازارلارىنىڭ بىرىنەن ساتىپ العانى بەلگىلى بولدى»، - دەدى ناۋرىزباي اۋداندىق ءى ءى ب باستىعى، مۇحيت شايحين.
شەت ەلدىكتەر بۇيىمداردى ەكى ەسە قىمبات باعامەن ساتقاندارىن جاسىرمايدى. ولار العاشقى تەرگەۋ بارىسىندا ىدىس- اياقتاردى 15-16 مىڭ تەڭگەگە ساتىپ الىپ، 1 مىڭ دوللارداي اقشاعا ساتقاندارىن مويىندادى.
«شەتەلدىكتەر الماتىدا پاتەر جالداپ تۇرعان. جالعا الىنعان قىمبات كولىكتەرمەن جۇرگەن. ءسويتىپ، جەرگىلىكتى ازاماتتاردىڭ سەنىمىنە كىرىپ الىپ، وزدەرىنىڭ ارام نيەتتەرىن جۇزەگە اسىرعان بولسا كەرەك. ەگەر ولاردىڭ الاياقتىق ءىس- ارەكتتەرىنەن زارداپ شەككەندەر بار بولسا، مىنا تەلەفون نومىرلەرىنە حابارلاسۋلارىنا بولادى:2544460؛ 2544461»، - دەدى پولكوۆنيك شايحين.
اۆتور: جاپپاربەرگەن ايبوتا