استانادا جىل سايىن وقۋشىلار سانى 15-18 مىڭعا ارتادى
11:54, 10 - قاراشا 2018
استانا. قازاقپارات - استانادا ءبىلىم بەرۋ نىساندارىنىڭ سانى ارتىپ كەلەدى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.
استانادا تۇرعىندار سانىنىڭ وسۋىنە بايلانىستى قالا مەكتەپتەرىندە وقۋشىلار قاتارى جىل سايىن ورتا ەسەپپەن 15-18 مىڭ ادامعا ارتادى. سوڭعى 20 جىلدا استانادا 59 مەكتەپ، 300 دەن استام بالاباقشا، 23 كوللەدج، جاڭا وقۋشىلار سارايى جانە باسقا دا ءبىلىم بەرۋ مەكەمەلەرى سالىنعان.
بۇگىندە بارلىق كەشەننىڭ ءتيىمدى جۇمىس جاساۋىنىڭ ارقاسىندا جاس ۇرپاق ءبىلىم الۋدىڭ بارلىق باعىتتارىنا قول جەتكىزىپ وتىر.
«قازىر استانادا 106 مەكتەپ بار، ولاردىڭ 86 ى قوعامدىق، 16 ى جەكەمەنشىك، 4 ءى رەسپۋبليكالىق دەڭگەيدەگى مەكتەپ.
جالپى ولار 161,5 مىڭ بالانى قامتيدى. حالىق سانىنىڭ وسۋىنە بايلانىستى قالا مەكتەپتەرىندە وقۋشىلار قاتارى ورتا ەسەپپەن العاندا، 15-18 مىڭ ادامعا كوبەيىپ وتىر»، - دەدى استانا قالاسى ءبىلىم باسقارماسىنىڭ باسشىسى ءانۋار جانعوزين.