اتىراۋدا تۇرمەگە تيىم سالىنعان زاتتاردى كىرگىزبەك بولعان 14 ادام جازالاندى
اتىراۋ وبلىسى پروكۋرورىنىڭ ورىنباسارى نۇرجان سەرىك ۇلىنىڭ ايتۋىنشا، قىلمىستىق- اتقارۋ جۇيەسى مەكەمەلەرىنىڭ ىشكى ءتارتىپ قاعيدالارىندا كوزدەلمەگەن زاتتار، زاتتەكتەر، تاماق ونىمدەرىن ساقتاۋعا جانە پايدالانۋعا تىيىم سالىنعان.
«الايدا، «قامقور» تۋىستار مەن دوستارى وزدەرىنىڭ باستاماسىمەن نە قاماۋداعىلاردىڭ وتىنىشىمەن تۇرمەگە تىيىم سالىنعان زاتتاردى قاساقانا اكەلۋگە تىرىساتىن جاعدايلار ءجيى كەزدەسەدى. الكوگولدىك ىشىمدىك، دارىلىك جانە باسقا دا ەسەڭگىرەتەتىن زاتتار، اقشا، تاماق ونىمدەرى، بۇيىمدار، قىلمىستىق- اتقارۋ جۇيەسى مەكەمەلەرىندە ساقتاۋعا جانە پايدالانۋعا تىيىم سالىنعان باسقا دا زاتتاردى كەز كەلگەن تاسىلمەن بەرۋ ارەكەتى اكىمشىلىك، ال جەكەلەگەن جاعدايلاردا قىلمىستىق جاۋاپتىلىققا اكەلىپ سوعادى. بىلتىر اقشا، تەلەفون، الكوگول جانە ەسىرتكى زاتتارىن الىپ وتۋگە تىرىسقانى ءۇشىن 14 ادام اكىمشىلىك جاۋاپقا تارتىلدى. مەكەمە قىزمەتكەرلەرى تىيىم سالىنعان زاتتاردىڭ 3 دەرەگىن انىقتادى»، - دەپ حابارلادى نۇرجان سەرىك ۇلى.
ونىڭ ايتۋىنشا، ەسىرتكى زاتتارىن پەنيتەنتسيارلىق مەكەمەگە اكەلگەن س. ەسىمدى ازامات ۇستالعان. كەيىننەن وعان قاتىستى قر قىلمىستىق كودەكستىڭ 297-بابىنىڭ 1-بولىگىمەن قوزعالعان ءىس سوتقا بەرىلگەن.
«قازىر باس بوستاندىعىنان ايىرۋ ورىندارىنا تەلەفونداردى الىپ وتكەنى ءۇشىن قىلمىستىق جاۋاپتىلىقتى ەنگىزۋ ماسەلەسى قاراستىرىلىپ جاتىر. ال، پسيحوتروپتىق زاتتاردىڭ تىزىمىنە ترامادول، كەتامين جانە باسقالارى ەنگىزىلدى. سول سەبەپتەن، ازاماتتارعا قىلمىستىق زاڭمەن قۋدالاناتىن تەرىس ارەكەتتەرگە بارماۋ قاجەتتىگىن ەسكەرتەمىز»، - دەيدى نۇرجان سەرىك ۇلى.
ەسكە سالا كەتەلىك، بۇعان دەيىن اتىراۋدا سوڭعى 2 جىلدا 18 مىڭ دانادان استام پسيحوتروپتى ءدارى تاركىلەنگەنىن جازعان ەدىك.