«يران يسلام رەسپۋبليكاسىنىڭ ۇكىمەتى 2022-جىلعى 11- قاراشادان باستاپ ەكى ەل اراسىنداعى قارىم-قاتىناستى دامىتۋ جانە نىعايتۋ ماقساتىندا قازاقستان ازاماتتارى ءۇشىن ۆيزاسىز رەجيم ەنگىزەدى. بۇل ءبىزدىڭ ازاماتتارىمىزعا يراننىڭ اۋماعىندا 14 كۇنگە دەيىن بولۋعا مۇمكىندىك بەرەدى»، - دەدى ايبەك سمادياروۆ مينيسترلىكتە وتكەن بريفينگتە.
سونداي-اق ول وسىعان ۇقساس كەلىسىم ءۇندىستان جانە قىتاي ەلدەرىمەن دە ورناتىلعانىن ايتتى.
«قازاقستان ۇكىمەتىنىڭ 2022-جىلعى 7- شىلدەدەگى 464№ قاۋلىسىمەن قولايلى احۋالدى قالىپتاستىرۋ، ىسكەرلىك بايلانىستاردى جانداندىرۋ جانە ەلىمىزدىڭ تۋريستىك الەۋەتىن ودان ءارى جۇزەگە اسىرۋ ماقساتىندا يران، قىتاي جانە ءۇندىستاننىڭ ازاماتتارى ءۇشىن ۆيزاسىز كىرۋ ءتارتىبى ەنگىزىلدى. وسى شەشىم اتالعان شەت ەلدەردىڭ ازاماتتارىنا قازاقستاننىڭ اۋماعىندا كۇنتىزبەلىك 14 كۇنگە دەيىن 180 كۇنتىزبەلىك كۇندى قامتيتىن ءاربىر كەزەڭ ىشىندە جالپى العاندا 42 كۇنگە دەيىن ۆيزاسىز بولۋعا مۇمكىندىك بەرەدى»، - دەدى س ءى م رەسمي وكىلى.
بۇل رەتتە ايبەك سمادياروۆ قازاقستاندىقتارعا 180 كۇن ىشىندە 14 كۇننەن 42 كۇنگە دەيىن ۆيزاسىز بولۋ مۇمكىندىگىن ۇسىنۋ كەلىسىمى تەك يرانمەن عانا ورناتىلعانىن ناقتىلادى.