بۇل تۋرالى ق ر ساۋدا جانە ينتەگراتسيا ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.
«شيكىزاتتىق ەمەس تاۋارلار مەن قىزمەتتەر ەكسپورتىندا وڭ ديناميكا بايقالادى. اتاپ ايتقاندا، 2021 -جىلدىڭ 9-ايىنىڭ قورىتىندىسىندا شيكىزاتتىق ەمەس تاۋار ەكسپورتى 14 ميلليارد دوللاردى قۇرادى. بۇل 2020 -جىلدىڭ 9 ايىمەن سالىستىرعاندا 25,6 پايىزعا كوپ. وسى جىلدىڭ ءبىرىنشى جارتىجىلدىعىندا وتكەن جىلدىڭ ءدال وسىنداي كەزەڭىمەن سالىستىرعاندا قىزمەتتەر ەكسپورتى 2,4 پايىزعا ارتىپ، 2,7 ميلليارد دوللارعا جەتتى»، - دەدى مينيستر سەناتتا وتكەن ۇكىمەت ساعاتىندا.
ونىڭ اتاپ وتۋىنشە، شيكىزاتتىق ەمەس تاۋارلار ەكسپورتىنىڭ ارتۋىنا ۇكىمەت جۇرگىزىپ وتىرعان پرواكتيۆتى ەكسپورتتىق ساياسات وڭ سەپتىگىن تيگىزىپ وتىر. ول شامامەن 20 قارجىلىق جانە قارجىلىق ەمەس قۇرالدى قامتيدى.
«وسى جىلدىڭ 9-ايىندا 74 ەكسپورتتاۋشىعا 119 ميلليارد تەڭگەنىڭ جەڭىلدەتىلگەن نەسيەسى ۇسىنىلدى. 158 ەكسپورتتاۋشىنىڭ 5,9 ميلليارد تەڭگە شىعىسى وتەلدى. 69 ەكسپورتتاۋشىعا 105 ميلليارد تەڭگەگە ساقتاندىرۋ قولداۋى كورسەتىلدى. 200-دەن استام ەكسپورتتاۋشى كونسۋلتاتسيالىق- ساراپتامالىق قولداۋ الدى»، - دەدى باقىت سۇلتانوۆ.
اۆتور: مارلان جيەمباي