قاپشاعايدا جول جوندەۋگە بولىنگەن 14 ميلليون تەڭگە جىمقىرىلعان - اگەنتتىك
الماتى وبلىسى بويىنشا سىبايلاس جەمقورلىققا قارسى قىزمەت قاپشاعاي قالاسىنىڭ اۆتوكولىك جولدارى جانە جولاۋشىلار كولىگى ءبولىمىنىڭ لاۋازىمدى ادامدارىنا قاتىستى تەرگەۋدى باستادى. ولار «جۇمىسپەن قامتۋدىڭ جول كارتاسى» مەملەكەتتىك باعدارلاماسى اياسىندا بولىنگەن قاراجاتقا زارەچنىي اۋىلدىق وكرۋگى كوشەلەرىنىڭ جول جابىنىنا اعىمداعى جوندەۋ جۇمىستارىن جۇرگىزۋگە مىندەتتەلگەن.
«ج ش س- مەن جاسالعان شارت بويىنشا ءىس جۇزىندە ورىندالماعان جۇمىس كولەمى ءۇشىن ورىندالعان جۇمىستار اكتىسىنە قول قويۋ جانە اقشالاي قاراجاتتى اۋدارۋ جولىمەن قاراجات جىمقىرۋ كۇدىگىمەن سوتقا دەيىنگى تەرگەۋ باستالدى. وسى ءىستىڭ سالدارىنان مەملەكەتكە 14 ميلليون تەڭگەدەن اسا ءىرى مولشەردە زالال كەلدى»، - دەدى سىبايلاس جەمقورلىققا قارسى ءىس- قيمىل اگەنتتىگى 1- دەپارتامەنتىنىڭ اعا تەرگەۋشىسى دانيار بەكايداروۆ ونلاين باسپا ءسوز ءماسليحاتىندا. قازىرگى ۋاقىتتا وسى ءىس بويىنشا تەرگەۋ امالدارى جۇرگىزىلىپ جاتىر.
اۆتور: ايان بەكەن ۇلى