«14 ادامنىڭ بارلىعى ءبىر رەيسپەن كەلگەن جوق. بەس ادام - قالاداعى ينفەكسيالىق بلوكتىڭ ستاتسيونارىندا جاتقان. قالعان 9 ادام - ەپيدەميولوگيالىق جاعدايى قولايسىز ەلدەردەن كەلگەن جولاۋشىلاردى تەكسەرۋ بارىسىندا تابىلدى. ونىڭ ىشىندە 4 ادام - باس سانيتارلىق دارىگەردىڭ قاۋلىسى بويىنشا ەپيدەميولوگيالىق جاعدايى قولايسىز دەپ تانىلعان يتاليا مەن وڭتۇستىك كورەيادان كەلگەن» ، - دەدى باسقارما باسشىسى ورتالىق كوممۋنيكاتسيالار قىزمەتىندەگى بريفينگتە .
ونىڭ ايتۋىنشا، ءبىر ناۋقاس جۇقپالى اۋرۋلار اۋرۋحاناسىندا ورتاشا دەڭگەيدەگى جەدەل رەسپيراتورلىق ۆيرۋستىق ينفەكسيا دياگنوزىمەن جاتقان. ونى قوسىمشا تەكسەرۋ بارىسىندا كوروناۆيرۋستىق ينفەكسيا تابىلدى جانە ەم تاعايىندالدى.
«بارلىعىنىڭ جاعدايى قاناعاتتانارالىق، كلينيكالىق بەلگىلەر جوق. بارلىعى نۇر- سۇلتان قالاسىنىڭ كوپبەيىندى مەديتسينالىق ورتالىعىنىڭ ينفەكتسيالىق ستاتسيونارىنا جاتقىزىلدى» ، - دەدى س. قيسىقوۆا.
ايتا كەتەيىك، نۇر- سۇلتاندا كوروناۆيرۋس بويىنشا تاعى 14 جاڭا ناۋقاس تىركەلدى. وسىلايشا، قاۋىپتى ىندەتپەن اۋىرعاندار سانى 27 گە جەتتى. ونىڭ ىشىندە 16 جاعداي - نۇر- سۇلتاندا، 11 فاكتى - الماتىدا تىركەلگەن.