«كەيبىر اۋداندىق ماڭىزى بار قالالاردىڭ حالىق سانى، ەكونوميكا قۇرىلىمى جانە ءومىر ءسۇرۋ جاعدايلارى اۋىلدىق ەلدى مەكەندەردەن ەش ايىرماشىلىعى جوق بولعاندىقتان ولاردىڭ مارتەبەسىن وزگەرتۋ ماسەلەسى تۋىنداپ وتىر. حالىق سانى بويىنشا ءوز مارتەبەسىنە ساي كەلمەيتىن ەلىمىزدە مۇنداي 14 قالا (اقمولا وبلىسىندا - 3 قالا، ش ق و- دا - 2, قاراعاندى وبلىسىندا - 2, قىزىلوردا وبلىسىندا - 1, ماڭعىستاۋ وبلىسىندا - 1, س ق و- دا - 2) بار» ، - دەدى ۇكىمەت باسشىسى.
ونىڭ اتاپ وتۋىنشە، قازىرگى ۋاقىتتا مەملەكەت باسشىسىنىڭ 2019 -جىلدىڭ 2 -قىركۇيەگىندەگى «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن جۇزەگە اسىرۋ بويىنشا جالپىۇلتتىق جوسپاردىڭ 74-تارماعىنا جانە 2020 -جىلعا ارنالعان ۇكىمەتتىڭ زاڭ جوبالاۋ جۇمىسى جوسپارىنا سايكەس، ۇلتتىق ەكونوميكا مينيسترلىگى «اۋداندىق، قالالىق جانە اۋداندىق دەڭگەيدەگى بيلىكتىڭ دەربەستىگى مەن جاۋاپكەرشىلىگىن كەڭەيتۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىن ازىرلەپ جاتىر. زاڭ جوباسى پارلامەنتكە 2020 -جىلدىڭ قىركۇيەگىندە ەنگىزىلەدى.