قازاقستاندىق قوس بوكسشى 14- شىلدەدە رەسەيدە جەكپە-جەك وتكىزەدى
02:30, 28 - ماۋسىم 2018
استانا. قازاقپارات - 14- شىلدە كۇنى ەكاتەرينبۋرگ قالاسىندا RCC Boxing Promotions كومپانياسىنىڭ ۇيىمداستىرۋىمەن بوكس كەشى وتەدى، دەپ حابارلايدى «SPORTINFORM» CAA.
شاراعا قازاقستاننان ەكى سپورتشى قاتىسادى. ونىڭ ءبىرى - ءبىرىنشى جارتىلاي ورتا سالماقتاعى داۋلەت داۋكەنوۆ (5-0, 3ك و). بوكسشىنىڭ قارسىلاسى ازىرگە بەلگىسىز. قازاقستاننىڭ نامىسىن ەكىنشى بولىپ اسا جەڭىل سالماقتاعى ماديار جانۇزاق (4-0, 1ك و) قورعاماق. بوكسشى فيليپپيندىك الفوە داگايلوانامەن (9-2-5, 3ك و) كۇش سىناسادى.
داۋكەنوۆتىڭ سوڭعى جەكپە-جەگى 18- ساۋىردە وزبەكستاننىڭ اتىنان بوكستاسقان ماكسۋد دجۋمايەۆتى (12-16-1, 6ك و) الدىن الا جەڭۋىمەن اياقتالعان بولاتىن. ال ماديار جانۇزاق سوڭعى رەت 28- اقپان كۇنى فيليپپيندىك بوكسشى دجون مارك اليمانەنى تورەشىلەردىڭ ءبىراۋىزدان قابىلداعان ورتاق شەشىمىمەن جەڭىپ شىققان.